Кумитаи ҷавонон санаи супоридани ҷоизаи Президентӣ ба варзишкоронро эълон кард

© International Judo FederationТаджикский спортсмен Сомон Махмадбеков
Таджикский спортсмен Сомон Махмадбеков - Sputnik Тоҷикистон
Обуна шудан
Дар пойтахти Тоҷикистон маросими супоридани ҷоизаи Президентӣ ба беҳтарин варзишкору мураббӣ баргузор мегардад

ДУШАНБЕ, 23 дек — Sputnik. Рӯзи 24 декабри соли равон  дар шаҳри Душанбе маросими ҷоизасупории Кумитаи кор бо ҷавонон ва варзиши Тоҷикистон  баргузор мегардад, иттилоъ додааст дафтари матбуоти Кумитаи кор бо ҷавонон.

Бино ба иттилои манбаъ, дар маросими мазкур ба варзишгарони беҳтарини соли 2019 Ҷоизаи Президенти Тоҷикистон тақдим карда мешавад.

Мулоқоти раисиҷумҳур Эмомалӣ Раҳмон бо мунтахаби футболбозони то 16-солаи Тоҷикистон - Sputnik Тоҷикистон
Пешниҳоди 74 варзишгари пешқадами 2018 ба ҷоизаи аз 15 то 300 ҳазор сомонаи Президент

Инчунин   дар ҳамоиш ғолибони Ҷоизаи Кумитаи кор бо ҷавонони Тоҷикистон  дар соҳаи адабиёт, санъат, меъморӣ, рӯзноманигорӣ, барномасозӣ, эҳёи ҳунарҳои мардумӣ, техника – технология ва инноватсия, ғолибони Ҷоизаи “Барои шуҷоат ва ҷавонмардӣ” дар доираи “Барномаи давлатии тарбияи ҳарбии ватандӯстӣ ва таҳкими ҳувияти миллии ҷавонони Тоҷикистон барои солҳои 2018-2022” ва ғолибони “Донишҷӯи сол-2019”  бо ҷоизаи Кумита сарфароз гардонида мешаванд.

Ҳамзамон дар ин замина, ғолибони озмунҳои ҷумҳуриявии “Беҳтарин варзишгари сол – 2019”, “Беҳтарин Федератсияи варзишии сол-2019”, “Беҳтарин шаҳри варзишӣ-2019”, “Беҳтарин мураббии сол – 2019” ва “Беҳтарин иншооти варзишӣ” қадрдонӣ карда мешаванд.

Манбаъ зикр намудааст, ки маросими ҷоизасупорӣ фардо, соати 15.00 дар толори консертии “Кохи Суруш” баргузор мегардад.

Лентаи хабарҳо
0