14:28 20 феврали 2020
Пахши мустақим
  • USD9.69
  • EUR10.47
  • RUB0.15
Варзиш
Гирифтани линки кӯтоҳ
56 0 0

Кумитаи миллии олимпии Тоҷикистон иттилоъ дод, ду муштзани тоҷик аз мусобиқаи байналмилалӣ дар Чин ду медали нуқра ба даст оварданд

ДУШАНБЕ, 23 дек — Sputnik. Варзишгарони тоҷик дар аввалин мусобиқаи Гранд Слами Осиё дар риштаи бокс сазовори ду медали нуқра шуданд, хабар додаст Кумитаи миллии олимпӣ.

Манбаъ афзуд, мусобиқа 18-22 декабр дар шаҳри Сиамени Ҷумҳурии Мардумии Чин доир гашт.  

“Дар он варзишгарон аз 11 давлат - Австралия, Ҳиндустон, Малайзия, Муғулистон, Непал, Филиппин, Сингапур, Тайланд, Тоҷикистон, Тайпейи Чин ва Амороти Муттаҳидаи Араб ширкат карданд”,- омадааст дар иттилоия.

Манбаъ тавзеҳ дод, ки қувваозмоиҳо аз рӯи 13 вазни олимпӣ – 8 вазн миёни мардон, 5 вазн миёни бонувон сурат гирифт.

Дар ҳайати Тоҷикистон Наврӯз Ҷафоев дар вазни 81 кило миёни мардҳо ва Фарида Самиева дар вазни 51 кило миёни бонувон сазовори медали нуқра гардиданд.

Барчаспҳо:
медал, мусобиқа, Федератсияи муштзанӣ, Тоҷикистон

Мавзӯъҳои асосӣ