Пирӯзӣ дар 40 сония: Макгрегор Серонеро оғуш кашиду бӯсид-видео

© Sputnik / Владимир Астапкович / Гузариш ба медиабонкБоец смешанных единоборств, бывший чемпион турнира UFC Конор Макгрегор
Боец смешанных единоборств, бывший чемпион турнира UFC Конор Макгрегор  - Sputnik Тоҷикистон
Обуна шудан
Қаҳрамони собиқи UFC, размикори ирландӣ Конор Макгрегор рақиби амрикоии худ Доналд Серронеро дар 40 сонияи даври аввал шикаст дод

ДУШАНБЕ, 19 янв — Sputnik. Макгрегор сабқат бо Серронеро аз ҳамла оғоз карда, хеле зуд бо зарби китф бинии рақибро шикаста, хай-кики муваффақ анҷом доду ба силсилаи зарбаҳо гузашт. Довар Херб Дин сабқатро дар сонияи 40 боздошт.

Макгрегор баъди пирӯзӣ рақибашро оғӯш гирифту бӯсид ва ба ҳозирин эълон кард, ки “ман баргаштам”. Ин нахустин пирӯзии Макгрегор тайи беш аз се соли охир мебошад.

Қаблан набарди размикори ирландӣ бо Ҳабиб Нурмуҳаммедов қаҳрамони UFC дар вазни сабук доир гардид, ки бо пирӯзии размикори доғистонӣ анҷом ёфт. Ҳабиб Нурмуҳаммедов рақиби худро бо усули буғикунӣ мағлуб кард. 

Зимнан, Конор Макгрегор чанд бор ба размикори доғистонӣ пешниҳод кард, то ба далели дархости ҳаводорони ин намуд варзиш,  як муҳорибаи такрориро баргузор кунанд, вале Ҳабиб дархости ӯро пайваста рад мекунад ва изҳор медорад, ки зарурати баргузор кардани рақобати такрорӣ бо Конорро намебинад.

Лентаи хабарҳо
0