11:55 11 августи 2020
Пахши мустақим
  • USD10.31
  • EUR12.13
  • RUB0.14
Варзиш
Гирифтани линки кӯтоҳ
42 0 0

Дастаи занони футболбози Душанбе ба рақибонашон аз ноҳияи Дӯстӣ пирӯз гаштанд. Се духтар аз дастаи аввал чор голро ба дарвозаи ҳариф расониданд

ДУШАНБЕ, 28 июл – Sputnik. Бозиҳои даври ҳафтуми Чемпионати Тоҷикистон оид ба футбол миёни бонувон дар варзишгоҳҳои  мамлакат    дар  сатҳи баланд баргузор  шуданд. Бозии марказии  ин давр миёни дастаҳои футболи  "Зебонисо"-и  шаҳри Душанбе  ва "Зебо"-и ноҳияи Дӯстӣ  гузашт, гузориш медиҳад "Ховар".

"Рақобати ин  дастаҳо хеле ҷолиб сурат гирифта, бо пирӯзии дастаи футболи  "Зебонисо"-и  шаҳри Душанбе  бо ҳисоби 4:0  ба поён расид. Рӯзигули Ҳасан ду гол, Амина Собирова ва Некубахт Худододова якголӣ ба ҳадаф расониданд", - менависад манбаъ.

Бохти дастаи футболи   "Зебо"-и  Дӯстӣ  сабаб шуд, ки дастаи  футболи  "Хатлон"-и шаҳри Бохтар пас аз пирӯзӣ бар дастаи  "Регар-ТадАЗ"-и Турсунзода бо ҳисоби   3:0  пешсафи ягонаи ҷадвали чемпионат гардид.

Дастаи футболи "Равшан"-и шаҳри Кӯлоб дар майдони худ бар дастаи "Панҷшер"-и  Ҷалолиддин Балхӣ бо ҳисоби 1:0 пирӯз шуда, аввалин ғалабаашро ҷашн гирифт. Се холи аввалинро ба дастаи "Равшан"-и  Кӯлоб  Гулфайрӯз Ҳазратова овард. Дар ду бозии дигар   дастаи футболи   "Бешкент"-и ноҳияи  Носири Хусрав ба дарвозаи дастаи  "Барқ"-и шаҳри  Норак 11 голи беҷавоб зад, дастаи футболи   "Ҳосилот"-и ноҳияи Фархор дастаи футболи  "Чашма"-и Шаҳритусро бо ҳисоби 1:0 мағлуб намуд .

Футбол: рӯзҳои бозии муқаддамотии Ҷоми Тоҷикистон муайян шуд

Мавзӯъҳои асосӣ