05:49 06 декабри 2020
Пахши мустақим
  • USD11.30
  • EUR13.72
  • RUB0.15
Варзиш
Гирифтани линки кӯтоҳ
Пайомадҳои COVID-19 дар Тоҷикистон ва ҷаҳон (870)
24 0 0

Кумитаи миллии олимпии Тоҷикистон мегӯяд, мусобиқаи қаҳрамонии Осиё, ки имсол дар назар буд, баргузор намешавад

ДУШАНБЕ, 17 окт — Sputnik. Марҳилаи финали Чемпионати Осиё оид ба футзал, ки бояд аз 2 то 13 декабри имсол дар Қувайт доир мегашт, ба соли оянда гузаронида шуд.

Кумитаи миллии олимпӣ мегӯяд, Конфедератсияи футболи Осиё федератсияҳои миллии футболро ҷиҳати ба соли дигар гузаронидани марҳилаи финали Чемпионати Осиё оид ба футзал огоҳ кард.

“Бо дарназардошти афзоиши гирифторони Covid-19 дар Қувайт ва бо мақсади ҳифзи саломатии дастаҳои иштирокчӣ ва ҷонибҳои манфиатдор, КФО пас аз баррасии масъала бо ҳама ҷонибҳои дахлдор ба қарор омад, ки Чемпионати Осиё оид ба футзалро то моҳҳои март-апрели соли 2021 ба таъхир гузорад”, - омадааст дар мактуби расмии КФО.

Кумитаи миллии олимпии Тоҷикистон ёдовар шуд, ки дар 16-ум Чемпионати Осиё оид ба футзал мунтахаби Тоҷикистон дар гурӯҳи “А” бо дастаҳои Туркманистон, Ветнам ва Уммон бозӣ мекунад.

Мавзуҳо:
Пайомадҳои COVID-19 дар Тоҷикистон ва ҷаҳон (870)
Барчаспҳо:
футбол, тим, Тоҷикистон

Мавзӯъҳои асосӣ