12:46 04 декабри 2020
Пахши мустақим
  • USD11.30
  • EUR13.74
  • RUB0.15
Варзиш
Гирифтани линки кӯтоҳ
121 0 0

Паҳлавони тоҷик, ки дар Чемпионати Аврупо дар риштаи ҷудо Русияро намояндагӣ мекунад, мақоми дуюм ва медали нуқраро ба даст овард

ДУШАНБЕ, 10 ноя — Sputnik. Маҳмадбек Маҳмадбеков, варзишгари тоҷик, дастпарвари клуби “Мори” дар чемпионати Аврупо оид ба ҷудо байни наврасони то 23-сола, ки дар шаҳри Поречи Хорватия ҷараён дорад, соҳиби медали нуқра шуд.

Тибқи иттилои сомонаи телевизиони "Варзиш", Маҳмадбек Маҳмадбеков панҷ рақобат баргузор намуд, ки аз он дар чортоаш пирӯз омад. Маҳмадбеков рақибонаш аз Латвия, Испания, Исроил ва Нидерландияро шикаст дод.

Манбаъ таъкид кард, ки дар финал Маҳмадбеков аз варзишгари Ҷумҳурии Молдова - Виктор Стерп мағлуб шуд.

Маҳмадбек, бародари хурдии Сомон Маҳмадбеков мебошад, ки дар Тоҷикистону Русия бо дастовардҳои варзишияшон шинохта мебошанд.

Маҳмадбек Маҳмадбеков, устоди варзиши Русия оид ба ҷудо, ғолиб ва барандаи медали биринҷии Чемпионати Аврупо-2019, дорандаи медали нуқраи чемпионати ҷаҳон-2019, ғолиби чандкарата ва барандаи Ҷоми Аврупо мебошад. Ӯ дар мактаби захираҳои олимпии шаҳри Иркутск таҳти роҳбарии бародарон Эргаш ва Фотеҳи Маҳмадбековҳо тамрин мекунад.

Мавзӯъҳои асосӣ