11:56 26 феврали 2021
Пахши мустақим
  • USD11.30
  • EUR13.83
  • RUB0.15
Варзиш
Гирифтани линки кӯтоҳ
155 0 0

Бозии интихобии Чемпионати ҷаҳон-2022 байни дастаҳои мунтахаби Тоҷикистон ва Муғулистон 25 март баргузор мешавад

ДУШАНБЕ, 21 фев — Sputnik. Конфедератсияи футболи Осиё тақвими марҳилаи дуюми интихобии  Чемпионати ҷаҳон – 2022-ро  дар моҳи марти соли ҷорӣ эълон кард. Аксари бозиҳо ба моҳи июн гузаронида шудаанд.

Тибқи иттилои Федератсияи футболи Тоҷикистон, бозии даври ҳафтуми сабқати интихобии  Чемпионати ҷаҳон — 2022 дар гурӯҳи “F” байни дастаҳои мунтахаби Тоҷикистон ва Муғулистон 25 март баргузор мешавад.

Вохӯрӣ дар Варзишгоҳи марказии ҷумҳуриявии Душанбе  соати 18:00 оғоз меёбад.

Илова ба бозии Тоҷикистон — Муғулистон, боз се бозии дигари мусобиқаи интихобии  ЧҶ — 2022 дар Осиё моҳи март баргузор мешаванд — Арабистони Саудӣ — Яман (25 март, Риёз), Непал — Австралия (30 март, Катманду) ва Муғулистон – Япония (30 март, Чиба, Ҷопон).

Бояд таъкид намуд, ки ки моҳи июн мунтахаби Тоҷикистон бо тимҳои миллии Япония (7 июн) ва Мянма (15 июн) бозӣ мекунад. 

Барчаспҳо:
бозӣ, тими мунтахаб, Муғулистон, Футбол, Тоҷикистон

Мавзӯъҳои асосӣ