ДУШАНБЕ, 2 окт — Sputnik. Сарояндаи тоҷик Манижа Сангин дар навори таблиғотие нақш офаридааст.
"Нахустин нақши ман дар навори рекламавии МТС. Хайр, ба шумо писанд омад? Фақат росташро гӯед. Маро дар тамоми кунҷу бурҷи шаҳр дарёбеду пас бигӯед, ки кӣ ин ҷо таваҷҷуҳ ҷалб мекунад", — навиштааст Манижа дар шабакаҳои интернетӣ.
Манижа барои нақшофарӣ дар рекламаи ширкати мобилии МТС тасодуфӣ интихоб нашудааст. Чун ӯ яке аз камшумортарин овозхонони замони муосир ҳаст, ки аз ҳама гуна барномаҳо ва шабакаҳои интернетӣ фаъолона истифода мебараду аз навгониҳои интернетӣ бохабар аст. Рӯз аз рӯз ҳамвандони Манижа дар шабакаҳои интернетӣ меафзояд.
Масалан танҳо дар Instagram овозхоони тоҷик 255 ҳазор аъзо дорад.
Авохири моҳ, рӯзи 27 октябр Манижа Сангин дар Маскав ҳунарнамоӣ хоҳад кард.
Ёдоварӣ мекунем, ки қарор буд, Манижа дар Маскав моҳи июл консерт баргузор кунад, вале бо сабаби ҳавои номусоид ҳунарнамоияш дар пойтахти Русия ба таъхир уфтод.
Пештар ин овозхони тоҷик дар Санкт-Петербург ҳунарнамоӣ карда буд.
