Овозаҳои бад шудани вазъи Афзалшоҳу гилаи ӯ аз бадгӯён: дар Душанбе вомехӯрем - Видео

© SputnikНародний артист Таджикистана Афзалшо Шодиев
Народний артист Таджикистана Афзалшо Шодиев - Sputnik Тоҷикистон
Обуна шудан
Ҳунарманд дар бораи овозаҳои бад шудани саломатиаш бо изҳори нигаронӣ гуфт, ки онҳоро баъзе бадгӯён - шахсони бефарҳанг паҳн кардаанд, ки аз "мурдани каси дигар хурсанд мешаванд"

ДУШАНБЕ, 25 май — Sputnik. Ҳунарманди мардумии Тоҷикистон Афзалшоҳ Шодоиев  хабар дод, ки вазъи саломатиаш беҳтар гашт ва 24 май аз бемористон дар Олмон мураххасӣ шудаст.

Ӯ дар мусоҳиба бо ҳафтаномаи Оила гуфт, ки боз 10-15 рӯзи дигар муолиҷааш идома мекуна ва баъди он ба Тоҷикистон бармегардад.

Ҳунарманд дар бораи овозаҳои бад шудани саломатиаш бо изҳори нигаронӣ гуфт, ки онҳоро баъзе бадгӯён - шахсони бефарҳанг паҳн кардаанд, ки аз "мурдани каси дигар хурсанд мешаванд".

"Бадбахтона, дар Тоҷикистони мо баъзе одамони бефарҳанге ҳастанд, ки даҳонашонро баста намешавад. Дар фалон ҷо, фалон кас мурдааст гуфта, аз мурданӣ каси дигар хурсанд мешаванд ва бузургонро бе аҷал мекушанд. Фарҳанги паст, ки доранд, ҳар чизе, ки аз даҳонашон барояд, беибо гуфтан мегиранд", - нигарон шудааст ӯ.

Народний артист Таджикистана Афзалшо Шодиев - Sputnik Тоҷикистон
Афзалшоҳ Шодиев: хурӯҷи бемориам ногаҳонӣ буд, тамоми нақшаҳоямро барбод дод

Ҳунарманд таъкид кардааст, ки вазъаш хуб шуду баъди чанде ба Тоҷикистон бармегардад.

Ин дар ҳолест, ки сомонаи "Ахбор" навореро аз таронахонии Шодиев дар Олмон мунташир кардааст.

Ӯ дар навор дар даст гитор чанд сурудашро мехонад ва дар анҷом ба бадгӯёнаш мегӯяд, ки "саломат бошанд".

"То Тоҷикистон ҳаст, то тоҷик ҳаст, суруди Афзалшоҳ ҳаст. Ҳар касе бадие моро мехоҳад дар ин Рамазон, бад гуфтааст, онҳо ҳам саломат бошанд! Ҳеҷ гап не, Худо хоҳад, боз мебиёем, ҳамдигарро мебинем", - афзудааст ҳунарманд.

Ҳунарманди мардумии Тоҷикистонро 8 май дар яке аз бемористонҳои Олмон ҷарроҳӣ карда буданд. Ӯ баъди ҷарроҳӣ дар мусоҳиба бо Sputnik Тоҷикистон гуфт, ки бемориаш ногаҳонӣ буд ва тамоми нақшаҳо, аз ҷумла баргузории консерташ дар Хуҷанро барбод дод.

Худи Шодиев баъди ҷарроҳӣ дар як муроҷиати видеоӣ аз мухлисонаш дар Хуҷанд барои лағви консерт узр хост ва гуфт, 25 рӯз мешавад, ки дар яке аз беморхонаҳои Олмон қарор дорад.

Открытие фестиваля Неделя детской книги в здании Государственной филармонии имени Акашарифа Джураева - Sputnik Тоҷикистон
Ёди Афзалшоҳ Шодиев ва Сурайё Қосимова аз Одина Ҳошим дар Филармонияи давлатӣ

Баргузории ин барномаи консертӣ, санаҳои 30 -уми апрел ва 1- уми май дар нақша буд, вале бо сабаби сафари хориҷаи ҳофиз ин ду барномаи консертӣ ба рӯзҳои 11 ва 12 уми май ба таъхир гузошта шуд.

Афзалшоҳ Шодиев яке аз дастпарварони мактаби ҳунарманди мардумии Иттиҳоди Шӯравӣ Ҷӯрабек Муродов аст, ки бо сабки хоси худаш маҳбуби мухлисонаш гардид.

Маъруфтарин таронаҳои вай, "Ҷавони рафт", "Самарқанду Бухоро", "Ватан", "Писари азизам омад" "Модар" ва ғайраҳо мебошанд, ки матни бештари онҳо ба шоири маҳбуби тоҷик Лоиқ Шералӣ ва Озарахш тааллуқ доранд.

Ҳунарманд аз соли 2014 роҳбари Филармонияи давлатии Тоҷикистон мебошад.

Лентаи хабарҳо
0