Масъалаи алоқаи ҳавоии Тоҷикистону Русия дар ҷаласаи СҲШ баррасӣ мешавад

CC BY-SA 2.0 / Lars Steffens / Boeing 737 Somon AirБоинг 737-и ширкати "Сомон эйр". Акс аз бойгонӣ
Боинг 737-и ширкати Сомон эйр. Акс аз бойгонӣ - Sputnik Тоҷикистон
Обуна шудан
Дар ҷаласаи Созмони Ҳамкориҳои Шанхай масъалаи маҳдудияти парвози яктарафа миёни Тоҷикистону Русия муҳокима карда мешавад

ДУШАНБЕ, 3 ноя — Sputnik. Дар доираи баргузории ҷаласаи 15-уми Шӯрои нахуствазирони кишварҳои аъзои СҲШ масъалаи парвози ҳавопаймоҳо миёни Тоҷикистон ва Русия баррасӣ мешавад.

"Имрӯз ин мавзӯъ (қатъи парвозҳо миёни ФР ва ҶТ-шарҳ аз идора) дар ҷаласаи СҲШ дар Бишкек муҳокима мегардад",-хабар дод намояндаи вазорати нақлиёти ФР ба РИА Новости.

Вазорати нақлиёти Русия изҳор дошт, ки агар назари мақомоти Тоҷикистон нисбат ба фурӯдгоҳи "Жуковский" бетағйир монад, ҷониби Русия аз 8-уми ноябри соли равон, ҳуқуқи боздошти парвозҳоро миёни Тоҷикистону Русия барои пешгирии вайрон накардани ҳуқуқи ширкатҳои ҳавопаймоии Русия нигоҳ медорад.

Ҳавопаймои ширкати Сомон эйр. Акс аз бойгонӣ - Sputnik Тоҷикистон
Роҳи “Сомон эйр” ба кишварҳои аъзои Иттиҳоди Аврупо боз шуд

Ҷониби Тоҷикистон изҳор дошт, ки муддати иҷозатномаи ширкатҳои ҳавопаймоии Тоҷикистон барои парвоз ба Русия санаи 1 декабр ба анҷом мерасад. Барои ҳалли ин масъалаҳо баргузории музокироти дуҷониба санаи 24-уми ноябр  дар назар аст.

Рӯзи панҷшанбе дар Бишкек ҷаласаи Шӯрои нахуствазирони кишварҳои СҲШ баргузор мегардад. Тоҷикистонро дар ҷаласа нахуствазири кишвар Қоҳир Расулзода намояндагӣ мекунад.

Лентаи хабарҳо
0