БДА: гувоҳиномаҳои ронандагии "кӯҳна" беэътибор мешаванд

© Sputnik / Максим Блинов / Гузариш ба медиабонкВодительское удостоверение нового образца, архивное фото
Водительское удостоверение нового образца, архивное фото - Sputnik Тоҷикистон
Обуна шудан
Ронанадагоне, ки шаҳодатномаҳояшон намунаи кӯҳна аст ва воситаи нақлиётро бо рақамҳои қайди давлатии ғайристандартӣ идора мекунанд, бояд то 1-уми декабр шаҳодатномаи ронандагии биометрӣ ва рақами қайди давлатии мутобиқ ба стандарти муқарраршудаи давлатӣ ба даст оранд

ДУШАНБЕ, 22 ноя — Sputnik. Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон ба маълумоти шаҳрвандон мерасонад, ки гувоҳиномаҳои ронандагие, ки расми соҳиби он дар муҳлати 10 соли тақвимӣ иваз карда нашудааст, беэътибор дониста мешаванд.

Тавре Вазорати умури дохилии Тоҷикистон хабар медиҳад, барои идора кардани воситаҳои нақлиёт бо рақами қайди давлатӣ, ки ба намунаи стандарти муқарраршудаи давлатӣ мувофиқат намекунад, нисбат ба ронанда муҷозоти дар моддаи 314 Кодекси ҳуқуқвайронкунии маъмурии Ҷумҳурии Тоҷикистон пешбинишуда татбиқ карда мешавад.

Ба ронандагоне, ки воситаи нақлиётро бо шаҳодатномаҳои ронандагии намунаи кӯҳна ва рақамҳои қайди давлатии ғайристандартӣ идора менамоянд, тавсия дода мешавад, ки то 1 декабри соли равон ба шаҳодатномаи ронандагии биометрӣ ва рақами қайди давлатии мутобиқ ба стандарти муқарраршудаи давлатӣ иваз намоянд.

"Шаҳрвандон барои гирифтани маълумоти иловагӣ метавонанд бо телефонҳои 235-05-12, 235-04-23 ва 235-79-29 муроҷиат намоянд", — гуфта мешавад дар гузориши манбаъ.

Лентаи хабарҳо
0