Рӯйхати 23 шаҳру навоҳии серсадамаю пурқурбонӣ дар Тоҷикистон

© PixabayЗнак аварийной остановки
Знак аварийной остановки - Sputnik Тоҷикистон
Обуна шудан
Садамаҳои маргбор бештар дар роҳҳои 23 шаҳру навоҳии Тоҷикистон рух медиҳанд

ДУШАНБЕ, 11 ноя — Sputnik. Тибқи омори расмӣ, дар солҳои 2017-2018 дар роҳҳои кишвар қариб 2300 садамаи нақлиётӣ ба қайд гирифта шудааст, ки дар натиҷа 721 нафар ба ҳалокат расида, 2370 нафар ҷароҳатҳои гуногун бардошта, маъюб шудаанд.

ДТП, архивное фото - Sputnik Тоҷикистон
Дар як садама 4 нафар ба ҳалокат расид ва 4 нафари дигар маҷруҳ шуд

Эмомалӣ Раҳмон, раисиҷумҳури Тоҷикистон, ахиран дар мулоқот бо кормандони милиса бо ироаи ин омор гуфт, “яъне 721 оила мотамзадаву бадбахт шуда, ҳазорон кӯдакон ятим гардидаанд, ки ҳалли масъалаҳои иҷтимоии онҳо ба дӯши давлат меафтад”.

Ба гуфтаи раисиҷумҳур садамаҳои маргбор бештар дар шаҳру ноҳияҳои Душанбе, Рӯдакӣ, Варзоб, Ваҳдат Файзобод, Ҳисор, Турсунзода, Шаҳристон, Хуҷанд, Деваштиҷ, Мастчоҳ, Спитамен, Истаравшан, Бобоҷон Ғафуров, Кӯлоб, Данғара, Норак, Фархор, Восеъ, Шамсиддини Шоҳин, Хуросон, Ҷайҳун ва Ёвон рух медиҳанд.

Эмомалӣ Раҳмон таъкид намуд, ки барои таъмин намудани бехатарии иштирокчиёни ҳаракат дар роҳ ва бартараф намудани камбудиву норасоиҳои мавҷуда аз ҷониби Вазорати корҳои дохилӣ ва дигар вазорату идораҳои дахлдор тадбирҳои мушаххас андешида шаванд.

Лентаи хабарҳо
0