08:46 25 марти 2019
Пахши мустақим
  • USD9.44
  • EUR10.73
  • RUB0.15
Куҳсори барфпӯш, акс аз бойгонӣ

IRS cубҳи 2 март эълон кард, ки роҳ аз 2 тараф баста аст

© Sputnik / Алексей Мальгавко
Нақлиёт
Гирифтани линки кӯтоҳ
228 0 0

Ширкати роҳбони IRS, ки масъули нигоҳдории роҳи Душанбе – Хуҷанд мебошад, аз мутаваққиф шудани ҳаракати ҳама гуна воситаҳои нақлиёт дар ин масир хабар дод

ДУШАНБЕ, 2 мар — Sputnik. Тибқи эълони IRS, ки субҳи имрӯз дар саҳифаи интернетии ширкат нашр шуд, бинобар барфрезии шадид ва тармафароиҳо ҳаракати ҳама гуна воситаҳои нақлиёт дар роҳи Душанбе – Хуҷанд муваққатан боздошта шуд.

“Айни замон бартарафсозии тармаҳо идома дошта, кормандони филиали Ширкат тамоми кӯшишҳоро ба харҷ дода истодаанд то ҳаракати воситаҳои нақлиёт ҳар чӣ зудтар таъмин карда шавад” – омадааст дар эълони IRS.

Ин дар ҳолест, ки субҳи рӯзи гузашта низ ширкати мазкур эълон кард, ки ҳаракати воситаҳои нақлиёт аз километри 47 - уми роҳи автомобилгарди Душанбе-Чаноқ ба самти Хуҷанд ва аз километри 81- ум ба ҷониби Душанбе муваққатан боздошта шудаст, аммо баъди зуҳр тариқи яктарафа роҳро кушод.

Бар асоси эълони нав, феълан роҳи Хуҷанд – Душанбе аз ду тараф барои ҳамаи намуди воситаҳои нақлиёт баста мебошад.

Мавзӯъҳои асосӣ