Фошкории дигари facebook: ҷазои 3 ронанда барои нақзи қоидаҳои сабқат

© сомонаи раёсати ВКД дар ДушанбеРонандагони муҷозотшуда барои нақзи қоидаҳои ҳаракат дар роҳ баъди шикоят дар Фейсбук
Ронандагони муҷозотшуда барои нақзи қоидаҳои ҳаракат дар роҳ баъди шикоят дар Фейсбук - Sputnik Тоҷикистон
Обуна шудан
Раёсати умури дохилии шаҳри Душанбе дар пайи шикоятҳо тариқи шабакаи иҷтимоии Фейсбук се ронандае, ки қоидаҳои сабқатро нақз кардаанд, муҷозот намудааст

ДУШАНБЕ, 5 апр - Sputnik. Тибқи иттилоияи раёсати ВУД як корбарри шабакаи Фейсбук бо пешниҳоди аксҳои қонуншикании ронандагон дар роҳ хостори муҷозоти онҳо шудааст.

Социальная сеть Фейсбук, архивное фото - Sputnik Тоҷикистон
Ман мухолифам: хашми корбарони Фейсбук аз болоравии арзиши интернет дар Тоҷикистон

“Баъд аз бозпурсии ронандагон ва далелҳои овардашуда, муайян гардид, ки дар ҳақиқат ронандагони дар аксҳо инъикосёфта ба қоидавайронкунии дағал роҳ дода, ба самти муқобили роҳ ҳаракат намудаанд, ки боиси норозигии шаҳрвандон гардидааст”, - омадааст дар иттилоия.

Раёсати ВУД муайян намудааст, ки ронандаҳои муттаҳам дар нақзи қоидаҳои ҳаракат дар роҳ - Давлатов Далер, ронандаи “Тойота-Каролла”, Ҳасанов Ҷонибек, ронандаи автомашинаи “Киа-Олимпиа” ва Умед Бобоев, ронандаи автомашинаи “КИА” мебошанд.

Манбаъ таъкид кард, ки нисбати ронандагони мазкур бо моддаи 325 қисми 4 Коддекси ҳуқуқвайронкунии маъмурии Тоҷикистон - риоя накардани суръати муқарраршуда ва қоидаҳои сабқат - пеш гузаштан, парвандаҳои маъмурӣ тартиб дода шуд.

Раёсати ВУД аз шаҳрвандон хоҳоиш намудааст, ки дар сурати шоҳиди чунин қоидавайронкунӣ шудан ба мақомоти умури дохилии пойтахт тариқи - rvkddushanbe@mail.ru , ё телефони  (+99237) 221-15-00 хабар диҳанд.

Лентаи хабарҳо
0