Кӣ чанд мегирад? суолу ҷавоби вакил бо генерал аз порахӯрии милисаҳо дар роҳ

© сомонаи ВКДГенерал Икром Умарзода, муовини вазири умури дохилии Тоҷикистон (дар мобайн)
Генерал Икром Умарзода, муовини вазири умури дохилии Тоҷикистон (дар мобайн) - Sputnik Тоҷикистон
Обуна шудан
Акрамшо Фелалиев, вакил аз ҳавзаи интихоботии Хоруғ, муовини раиси Маҷлиси намояндагони Тоҷикистон ҳафтаи равон дар ҷаласаи парлумон порахӯрии бархе аз милисаҳоро дар роҳ ба ВМКБ ба миён гузошт

ДУШАНБЕ, 26 май — Sputnik. Фелалиев гуфт, дар роҳ ба самти Вилояти Мухтори Кӯҳистони Бадахшон аз шаҳри Душанбе то ноҳияи Дарвоз 10 – 15 дидбонгоҳ мушоҳида мешаванд ва ронандагони мошинҳои мусофирбар медонанд, ки дар кадом дидбонгоҳ ба кормандони милитсия  чӣ қадар маблағ додан лозим аст.

Ҷаласаи Ҳукумати Тоҷикистон, рӯзи 30 августи соли 2018 - Sputnik Тоҷикистон
Супориши Эмомалӣ Раҳмон барои санҷиши масъулини зиндонҳо ва барканориҳо

“Ягон ҳолате ҷой надорад, ки корманди милитсия боре ба назди мошин омада, дохили онро мушоҳида карда бошад, ки дар дохилаш чӣ қадар одам ҳаст ва ба куҷо сафар доранд. Ба ҳолати техникии мошинҳо низ эътиборе намедиҳанд”, -  навиштааст нашрияи парлумонии “Садои мардум” аз қавли Фелалиев.

Ба иттилои манбаъ, генерал Икром Умарзода, муовини вазири умури дохилии Тоҷикистон дар посух изҳор дошт, ки роҳбарияти вазорат ба мубориза бо фасод диққати махсус медиҳад. Умарзода таъкид кард, ки назди дидбонгоҳҳо вазифаи ҷамъоварии маблағ гузошта нашудааст ва ин сӯиистифодаи бархе аз кормандон аз вазифаи хизматӣ мебошад.

В таджикском парламенте, архивное фото - Sputnik Тоҷикистон
Фелалиев, вакил аз Хоруғ дар бораи вазъи ВМКБ, ҷинояткорӣ, корхонаҳо ва мақсади Ҳукумат

“Чанде пеш яке аз чунин дидбонгоҳҳо, воқеъ дар мавзеи Олимтой, барҳам дода шуд. Дидбонгоҳҳо вобаста ба вазъи дохилӣ, сарҳадӣ дар роҳҳои дохили кишвар, аз ҷумла роҳи Душанбе -Хоруғ гузошта мешаванд. Тибқи ҳеҷ кадом санад дар бобати ҷамъ овардани маблағ аз ҷониби дидбонгоҳҳо вазифа гузошта нашудааст. Албатта, дар миёни ҳайати шахсӣ ҳастанд онҳое, ки аз вазифаи хизматӣ суиистифода менамоянд”, - изҳор дошт муовини вазири умури дохилӣ.

Ӯ таъкид намуд, ки дастандаркорони чунин амалҳои ғайриқонунӣ дар сурати собит шудани гуноҳашон ҷазои сазовор мегиранд ва аз сафҳои милитсия хориҷ карда мешаванд. Умарзода афзуд, тағйироте, ки ба қонун дар бораи милитсия ворид гардиданд, ба коҳиши фасод дар ин бахш мусоидат хоҳанд кард.

Лентаи хабарҳо
0