Ширкати “Тоҷик эйр” парвозҳояшро ба Эрон барқарор кард

Обуна шудан
Мудири кулли фурудгоҳи Хуросони Разавӣ гуфт, барномаи парвози муназзами мусофирӣ миёни Машҳаду Душанбе бо ҳавопаймоҳои ширкати ҳавопаймоии “Тоҷик эйр” оғоз шуд

ДУШАНБЕ, 13 авг — Sputnik. Муҳаммадбоқири Қосимзода, раиси фурудгоҳи Машҳад афзуд, ин парвозҳо рӯзҳои сешанбе ва ҷумъаи ҳар ҳафта бо истифода аз ҳавопаймои “Боинг-767” дар масири рафту баргашти Машҳад – Душанбе анҷом мешавад, иттилоъ додааст хабаргузории Parstoday.

Самолет авиакомпании Таджик Эйр, архивное фото - Sputnik Тоҷикистон
Раиси Ожонси ҳавонавардӣ: “Тоҷик Эйр” парвозҳояшро аз сар мегирад

Вай гуфт, дар моҳи июни имсол парвозҳои Машҳад – Душанбе аз тариқи ширкати ҳавопаймои “Вориш" низ барқарор шуда буд.

Пеш аз ин ду ширкатҳои ҳавопаймоии “Осмон” ва “Тоҷик эйр” дар масири рафту баргашти Машҳад – Душанбе ва ҳамчунин Теҳрон – Душанбе барномаи парвози мусофирбарӣ доштанд, ки аз порсол мутаваққиф шуда буд ва мусофироне, ки қасди рафтуомад байни Эрону Тоҷикистонро доштанд, аз масири ғайримустақим, аз тариқи кишварҳои солис сафар мекарданд, ки афзоиши ҳазина ва тӯлонӣ шудани замони сафарро дар пай дошт.

Масраф камтар, даромад бештар: Раиси нави "Тоҷик Эйр" роҳҳои наҷоти ширкатро гуфт

Фурудгоҳи байналмилалии Ҳошиминажоди Машҳад пас аз фурудгоҳи Меҳрободи Теҳрон дувумин фурудгоҳи пуррафтуомади Эрон аст, ки рӯзона 180 парвоз ба таври миёнгин дар ин фурудгоҳ анҷом мешавад. Фурудгоҳи байналмилалии Ҳошиминажоди Машҳад дар замони авҷи мусофиратҳо рӯзона то 250 парвози вурудӣ ва хурӯҷи дорад.

Лентаи хабарҳо
0