20:50 26 январи 2021
Пахши мустақим
  • USD11.30
  • EUR13.72
  • RUB0.15
Нақлиёт
Гирифтани линки кӯтоҳ
254 0 0

Шаҳрдории Душанбе мегӯяд, соли 2020 мусофирбарӣ дар пойтахт коҳиш ёфта, ҳаҷми боркашонӣ зиёд шудааст

ДУШАНБЕ, 2 янв — Sputnik. Тибқи иттилои шаҳрдорӣ, дар соли ҷорӣ бо ҳама намудҳои нақлиёт 9,3 миллион тонна бор кашонида шудааст, ки нисбат ба ҳамин давраи соли гузашта 9 фоиз зиёд мебошад.

Манбаъ тавзеҳ дод, ки дар ин давра бо нақлиёти автомобилии корхонаю ташкилотҳо новобаста аз шакли моликият ва нақлиётҳои шахсони воқеӣ, ки ба боркашонии тиҷоратӣ машғуланд 8,5 миллион тонна бор кашонида шуд, ки 7,1фоиз зиёд мебошад.

Шаҳрдорӣ мегӯяд, дар баробари афзоиши боркашонӣ мусофирбарӣ дар пойтахт коҳиш ёфтааст. Аз ҷумла дар давраи ҳисоботӣ бо ҳама намуди нақлиёт 261,6 миллион нафар мусофир кашонида шудааст, ки нисбат баҳамин давраи соли гузашта қариб 9 фоиз кам мебошад.

Камшавиро масъулин ба он рабт додаанд, ки шурӯъ аз 15 майи соли 2020 бинобар сабаби паҳншавии бемории сироятии коронавирус-COVID-19 баромади воситаҳои нақлиёти мусофирбар дар шабакаи нақлиётӣ ба меъёри муайян кам гардида, ин омил ба гардиши мусофирон таъсири манфӣ расонидааст.

Барчаспҳо:
боркашонӣ, мусофир, нақлиёт, Тоҷикистон

Мавзӯъҳои асосӣ