16:49 21 сентябри 2019
Пахши мустақим
  • USD9.69
  • EUR10.70
  • RUB0.15
Сарбозони шӯравӣ ба паноҳгоҳи олмонӣ ҳамла мекунанд. ҶБВ.

“Русия имрӯз” лавҳаи ҷадиди чандрасонаӣ дар бораи ҶБВ-ро пахш кард

© Sputnik / Олег Кнорринг
70-солагии Ғалаба
Гирифтани линки кӯтоҳ
15 0 0

ХБИ “Русия имрӯз” ғанӣ гардонии хазинаи тарҳи чандрасонаии “15 зарбаи Артиши Сурх”-ро, ки онҳо аз набардҳои муҳимтарин ва бузургтарин Ҷанги Бузурги ватанӣ ҳикоят мекунанд, идома медиҳад.

ДУШАНБЕ, 28 апр — Sputnik. Бахшида ба 70 солагии Пирӯзӣ ХБИ "Русия имрӯз" ороиши шаҳрҳои Русияро бо лавҳаҳоти чандрасонаии таърихии "15 зарбаи Артиши Сурх" идома медиҳад, хабар медиҳад маркази матбуъотии хабаргузорӣ.

Дар остонаи 9 май хабаргузорӣ иқдомоти ҷадиди чандрасонаӣ дар бораи озодкунии Украинаи соҳили ростро — лонгрид ва наворҳои видеоӣ пахш кард. Лавҳаҳои ҷадиди видеоиро дар таъсисоти бузурги таблиғотии Москав — бинои телеграфи марказӣ, пажӯҳишгоҳи "Гидропроект", синамохонаи "Октябр", дар биноҳои баланди ҷоддаи Можайск ва дар даромадгоҳи Химки ва ҳамчунин дар дохили нақлиёти мусофирбари шаҳрҳои Санкт-Петербург ва Екатеринбург дидан мумкин аст.

Лавҳаи видеоӣ ва лонгрид дар бораи озодии қисмати соҳили рости Украина аз сӯйи Артиши Сурх дар бораи базургтарин набарди низомӣ аз рӯйи теъдоди ширкаткунандагон, ки дар он шаш артиши шӯравии танкӣ ширкат доштанд, қисса мекунад. Дар бораи мавсими зимистона ва баҳории ин ҳамла, дар бораи тавозуни нерӯҳо ва иқдомоти аслии ҷангӣ ҳикоят мешавад.Дар пайи амалиёти бобарор Артиши Сурх барои нахустин бор баъд аз соли 1942 ба марзи давлатии Иттиҳоди Шӯравӣ наздик шуд ва даҳҳо миллион нафар сокинони маҳаллиро озод кард.

Озодкунии қисмати соҳили рости Украина — лонгриди чаҳорум аз бахши матолиби чандрасонаии "15 зарбаи Артиши Сурх" мебошад. Дар сомонаи хабаргузорӣ матолиби дигари чандрасонаӣ, аз ҷумла матлаб дар бораи набардҳои Курск ва Сталинград, ҳамчунин муҳосираи Ленинградро дидан мумкин аст. Ин иқдом 2 сентябр — дар рӯзи поёни Ҷанги дуввуми Ҷаҳонӣ анҷом меёбад.

Барои тарҳи чандрасонаии "15 зарбаи Артиши Сурх" коршиносони ХБИ "Русия имрӯз" харитаҳои муфассал, инфографика таҳия карда аз матолиби видеоӣ ва аксии бойгонии хабаргузорӣ ва бойгонии телевизион ва радиои давлатӣ истифода карданд. Ин тарҳ ҷузъе аз иқдоми умумирусиягии "Пирӯзӣ! 70 сол" мебошад.

Шарикони тарҳи "15 зарбаи Артиши Сурх" гурӯҳи иртибототии "LBL" (таблиғоти расонаӣ) ва ширкати ""1PTV" (телевизион дар нақлиёти мусофирбар) шуданд.

Мавзуъ

Тува – шарики нахустини Иттиҳоди Шӯравӣ дар ҶБВ буд
Ҷобаҷогузорӣ ва тавозуни неруҳо дар ҶБВ
Дар Тоҷикистон ҳамагӣ 849 собиқадори ҶБВ зинда мондаанд
Дар Ӯзбекистон лавҳаи хотиравии кушташудагон дар ҶБВ тахриб шуд
Барчаспҳо:
"15 зарбаи Артиши Сурх", ХБИ "Русия имрӯз", Украина, Иттиҳоди Шӯравӣ

Мавзӯъҳои асосӣ