Оташбас дар Қарабоғи Кӯҳӣ: тавофуқи Арманистону Озарбойҷон бар сари чист?

Обуна шудан
Шомгоҳи душанбе 9 ноябр бо имзои тавофуқи Озарбойҷон, Арманистон ва Русия 30 сол муноқиша бар сари минтақаи Қарабоғи Кӯҳӣ поён ёфт

Оташбаси ҷадид дар Қарабоғи Кӯҳӣ 10 ноябр ҷорӣ шуд ва аввалин нерӯҳои ҳофизи сулҳи Русия алакай вориди Қарабоғи Кӯҳӣ шуданд.  

Бар асоси ин тавофуқи ҷадид Арманистон мутаъаҳҳид шудааст 15 ноябр шаҳристони Калабҷар, 20 ноябр шаҳристони Оқдом ва  аввали декабр шаҳристони Лочинро ба Озарбойҷон пас диҳад.

Нагорный Карабах, архивное фото - Sputnik Тоҷикистон
Поёни ҷанг дар Қарабоғ: Русия, Озарбойҷон ва Арманистон созишнома имзо карданд

Дар хати муқаддами ҷабҳа дар минтақаи Қарабоғи Кӯҳӣ ва дар имтидоди ҷодаи Лочин дар Қарабоғ ҳазору 960 низомӣ, 90 мошини зиреҳпӯш ва 380 худрави низомӣ аз нерӯҳои ҳофизи сулҳи Русия ба муддати 5 сол мустақар мешавад.

Ҳамчунин асирони ҷангӣ ва дигар боздоштшудагон ва аҷсоди афроди кушташуда мубодила хоҳанд шуд.

Даргириҳо байни Ҷумҳурии Озарбойҷон ва Арманистон дар минтақаи Қарабоғ аз бомдоди якшанбе 27 сентябр аз сар гирифта ва боиси кушта шудани шуморе аз тарафайн шуд.

Муноқиша миёни Ҷумҳурии Озарбойҷон ва Арманистон бар сари минтақаи Қарабоғи Кӯҳӣ дар соли 1988 оғоз ва дар соли 1992 ба даргирии низомӣ кашид, ки дар натиҷаи ин муноқиша минтақаи Қарабоғи Кӯҳии Ҷумҳурии Озарбойҷон ва ҳафт шаҳристони ҳамҷавори он таҳти ишғоли неруҳои Арманистон даромад.

Лентаи хабарҳо
0