Ҷаҳон бо Диего Марадона видоъ мекунад: навори маросими хайрбод

Обуна шудан
Дар Буэнос - Айрос маросими видоъ бо ситораи ҷаҳонии футбол Диего Марадона, ки дар синни 60 - солагӣ ҷаҳонро падруд гуфт, баргузор мегардад

Ҷасади футболбози ҷаҳониро ба қасри президенти Аргентина интиқол доданд ва садҳо нафар ҳаводорони ҳунари Марадона дар интизори видоъ бо ӯ қарор доранд.

Диего Марадона  - Sputnik Тоҷикистон
“Дасти Худо” ва беҳтарин голи асри 20: ёде аз Марадона - навор

Гуфта мешавад, аз соати 6 - и субҳ ҳукумат барои тамоми хоҳишмандони видоъ бо Диего Марадона роҳро боз намуданд. Интизор меравад, ба маросими хайрбодӣ миллионҳо нафар ҳаводорони ситораи футбол ҳузур пайдо кунанд.

Зимнан, кишвардори Аргентина дар робита ба марги Диего Марадона дар сартосари кишвар мотами серӯза эълон кард.

Хабари марги Марадона бегоҳи рӯзи 25 - уми ноябр дар сархати расонаҳои хабарӣ пайдо шуд. Хабаргузории TN иттилоъ дод, ки Марадона чанде пеш ҷарроҳии фаврӣ паси сар карда буд.

Марадона дунёро падруд гуфт: ӯ чигуна дар хотироти мо боқӣ хоҳад монд - акс

Рӯзномаи Perfil сабаби марги ситораи ҷаҳониро, аз тапидан бозмондани қалбаш рабт дод. Ин манбаъ меафзояд, ки фишори хуни Марадона ба якборагӣ пас шуд ва пизишкони Ёрии таъҷилӣ натавонистанд ӯро аз чанголи марг раҳонанд.

Бозии охирони Марадона бо тими "Ривер Плейта" санаи 25 октябри соли 1997 сурат гирифта буд. Пас аз ин бозӣ, санаи 30- юми октябр ситораи футбол аз анҷоми "карера"- и худ хабар дод.

Ӯ аз соли 2008 то 2010 мураббии тими миллии Аргентина буд.

Лентаи хабарҳо
0