04:52 27 феврали 2021
Пахши мустақим
  • USD11.30
  • EUR13.69
  • RUB0.15
Видео

Парвоз бо таксӣ: рӯнамоии таксии парвозкунанда дар Маскав - навор

Гирифтани линки кӯтоҳ
239 0 0
© RUPTLY

Дар Маскав таксии парвозкунанда рӯнамоӣ шуд. Тавассути ин таксӣ натанҳо одамон балки ҳамлу нақли бор низ амҷом дода мешавад.

Муаррифии таксиҳои парвозкунанда рӯзи душанбе дар Лужникии Маскав баргузор шуд.

Эйр таксӣ ҳавопаймои бесарнишини мусофирбарест, ки метавонад ҳамзамон ду нафарро ба ҳаво бардорад (вазни умумӣ то 300 кило).

Мошин тавассути системаи рақамӣ идора карда мешавад, ки мусофирро аз назорат комилан хориҷ мекунад ва амнияти осмонро назорат мекунад. Ҳавопаймои бесарнишин қодир аст ба баландии тақрибан 150 метр баромада, дар як соат то 200 километрро тай кунад.

Пеш аз ҳама, созандагони ҳавопаймоҳои бесарнишини Русия ба амнияти мусофирон таваҷҷӯҳ зоҳир карданд - дастгоҳ дорои капсулаи муҳофизатӣ, парашютҳои баллистикӣ, инчунин муҳаррикҳои пӯшидаи электрикӣ мебошад.

Таҳиягарон умедворанд, ки ихтирои онҳо нисбат ба таксиҳои оддии автомобилӣ хеле фоидаовар ва аз ҷиҳати экологӣ тоза хоҳад буд, зеро дрон ба бензин ниёз надорад, сафар бо ҳавопаймо дар фазо зудтар аст, аз ин рӯ, роҳкиро арзонтар хоҳад шуд.

Александр Атаманов, директори генералии ширкати таксиҳои бесарнишини "Ховер" гуфт, ки оғози фаъолияти аввалин такси парвоз дар Русия соли 2025 ба нақша гирифта шудааст.

Барчаспҳо:
замонавӣ, нав, парвоз, таксӣ, Маскав

Наворҳои бештар

Мавзӯъҳои асосӣ