Президенти ҶТ пешниҳод кард, ки як даҳсолаи дигари об эълон шавад

© Пресс-служба президента ТаджикистанаШиркати Эмомалӣ Раҳмон дар 7-умин Форуми ҷаҳонии об
Ширкати Эмомалӣ Раҳмон дар 7-умин Форуми ҷаҳонии об - Sputnik Тоҷикистон
Обуна шудан
Раисҷумҳури Тоҷикистон Эмомалӣ Раҳмон гуфтааст, даҳсолаи аввали “Об барои ҳаёт” ба пуррагӣ иҷро нашуд, ба ин далел мебояд даҳсолаи дувум эълон карда шавад.

ДУШАНБЕ, 13 апр — Sputnik. Эмомалӣ Раҳмон, раисиҷумҳури Тоҷикистон, ки бо сафари расмӣ дар Куриёи Ҷанубӣ қарор дорад, 12 апрел дар ҳамоиши ҳафтуми ҷаҳонӣ дар масъалаи об пешниҳод намудааст, боз як даҳсолаи дигари байнулмилалии об эълон шавад, менависад сомонаи президент.

Президенти Тоҷикистон Эмомалӣ Раҳмон - Sputnik Тоҷикистон
Эмомалӣ Раҳмон пешниҳоди бунёди "Муҷассамаи модар"-ро кард

Раисҷумҳур барои тақвияти фикраш гуфтааст, бӯҳрони моливу иқтисодӣ, камбизоатӣ, афзоиши аҳолӣ… ва офатҳои табиӣ барои пурра иҷро шудани ҳадафҳои даҳсолаи аввали об "халал расонданд".

Даҳсолаи аввал, ки "Об барои ҳаёт" унвон дошт, соли 2005 аз сӯи Созмони Милал эълон шуда, дар пайи он дар Тоҷикистон Соли оби тоза ва ҳамоиши байнулмилалӣ ҳам баргузор шуд.

Раисиҷумҳури Тоҷикистон гуфтааст, даҳсолаи дуюми байнулмилалиро "Об ба хотири рушди устувор" номанд.

"Итминон дорам, бо эълони даҳсолаи навбатӣ татбиқи амалии тадбирҳои нақшавиро дар чаҳорчӯбаи даҳсолаи байналмилалии "Об барои ҳаёт" идома медиҳем ва онҳоро ҷиҳати расидан ба ҳадафҳои рушди устувор бо саъю талошҳои нав ғанӣ месозем. Умедворем, ин пешниҳод аз ҷониби ҷомеаи ҷаҳонӣ пуштибонӣ хоҳад ёфт", — таъкид кардааст Раҳмон.

Дидори раиси ҷумҳури Тоҷикистон Эмомалӣ Раҳмон бо раиси ҷумҳури Туркманистон Қурбонгулӣ Бердимуҳаммадов - Sputnik Тоҷикистон
Раҳбарони Тоҷикистон ва Туркманистон дар Куриёи Ҷанубӣ дидор карданд

Дар ҳоли ҳозир ҳамагӣ 57 дарсади аҳолии Тоҷикистон ба оби тозаи ошомиданӣ дастрасӣ доранд. Бино бар гузоришҳои байнулмилалӣ, танҳо дар вилояти Хатлони Тоҷикистон 22 деҳа аз оби поки ошомиданӣ маҳруманд.

Эмомалӣ Раҳмон низ дар форуми ҳафтуми ҷаҳонии об дар Куриёи Ҷанубӣ гуфтааст, агарчӣ дар қаламрави Тоҷикистон тақрибан 60 дарсади захираҳои оби Осиёи Марказӣ ҳастанд, аммо "инфрасохтори начандон мутараққӣ ва манбаъҳои маҳдуди молӣ имкон намедиҳанд, захираҳои мавҷудаи об ба андозаи пурра ба манфиати рушди иқтисоди кишвар истифода карда шаванд."

Вай илова кардааст, дастрасии сокинони деҳот ба оби тоза ё бехатари ошомиданӣ боз ҳам мушкилтар буда, ҳамагӣ ба 40 дарсад баробар аст. Ба қавли раисиҷумҳур, на зиёда аз 10 дарсади сокинони деҳот ба хадамоти беҳдоштӣ дастрасӣ доштаанд.

Лентаи хабарҳо
0