Истиқболи гарми Думаи давлатӣ аз тасмими вакилони парлумони Аврупо

© Sputnik / Александр Натрускин / Гузариш ба медиабонкЛеонид Слутский, раиси Кумитаи Думаи давлатии ФР. Акс аз бойгонӣ
Леонид Слутский, раиси Кумитаи Думаи давлатии ФР. Акс аз бойгонӣ - Sputnik Тоҷикистон
Обуна шудан
Аз вакилони парлумони Фаронса ибрат гирифта, намояндагони дигар кишварҳои аврупоӣ низ мехоҳанд ба Қрим биёянд. Думаи давлатӣ аз ин тасмим истиқбол мекунад.

ДУШАНБЕ, 14 авг — Sputnik. Вакилони парлумони Русия аз тасмими ҳамтоёни аврупоии худ, аз ҷумла намояндагони сейми Лаҳистон, ки нияти боздид аз Қримро доранд, изҳори хушнудӣ мекунад, иброз дошт роҳбари Кумитаи Думаи давлатӣ Леонид Слутский, иттилоъ медиҳад РИА Новости.

Расонаҳо: вакилони Бундестаги Олмон аз Қрим дидан мекунанд

"Дарҳои Қрим барои ҳама бозанд, пас аз ташрифи ҳамтоёни фаронсавиамон "ях шикаст", Аврупо ҳақиқатро донистан мехоҳад",- гуфт Слутский.

Ба суоли он ки то куҷо вакилони парлумони Лаҳистон пас аз дидор ҳақиқатро хоҳанд гуфт, Слутский посух дод, ки: "Ҳақиқат чунон аст, ки онро таҳриф кардан имкон надорад".

Вакили парлумони Аврупо аз  Лаҳистон Януш Корвин- Микке, ки бо андешаҳои чапгароёнаи худ маъруф аст, ба нашрияи "Известия" дар бораи сафари қарибулвуқӯъяш ба Қрим иброз доштааст. Ӯ афзудааст, ин масъала ба наздикӣ бо ҳамҳизбонаш аз ташкилоти сиёсии "Ростгароёни ҷадид" (Новие правие) баррасӣ мешавад.

Моҳи июли соли равон вакилони парлумони Фаронса, ки ҳайати онҳо аз 10 нафар иборат буд, ба Қрим омаданд. Зимнан, пас аз ташрифи онҳо намояндагони Олмон, Потугалия, Италия ва чанд кишвари дигари аврупоӣ изҳори боздид аз нимҷазираро карданд.  

Лентаи хабарҳо
0