17:16 20 июли 2019
Пахши мустақим
  • USD9.44
  • EUR10.60
  • RUB0.15
Дональд Трамп

Ҷавоби Трамп ба вазири Куриё: Ким Чен Ин ба наздикӣ "нобуд" мешавад

REUTERS/Joshua Roberts
Дар ҷаҳон
Гирифтани линки кӯтоҳ
301 0 0

Ли Ён Хо вазири умури хориҷаи Куреи Шимолӣ ҳангоми суханрониаш дар Иҷлосияи 72-уми Маҷмаи Умумии СММ раисҷумҳури Амрикоро "гирифтори бемории рӯҳӣ" номида қайд кардааст, ки ба ӯ "тугмаи атомӣ"-ро набояд бовар кард

ДУШАНБЕ, 24 сен — Sputnik. Ба иттилоъи хабаргузории РИА Новости, раисҷумҳури Амрико Доналд Трамп ба гуфтаҳои вазири умури хориҷаи Куриё Ли Ён Хо вокуниш кардааст.

Лидери амрикоиҳо дар ин вокунишаш таҳдид карда, ки ба наздикӣ раҳбари Куриё Ким Чен Ин "нобуд" мешавад.

"Ҳаминак ман суханони вазири корҳои хориҷаи Куреи Шимолиро, ки дар Иҷлосияи СММ гуфтааст, гӯш кардам. Агар ӯ фикри одами "кӯчак-мушак" — ро идома доданӣ бошад, онҳо инҷо дер намемонанд!", — навиштааст Трамп дар саҳифаи Twitter.

Пештар Ли Ён Хо вазири умури хориҷаи Куреи Шимолӣ ҳангоми суханрониаш дар Иҷлосияи 72-уми Маҷмаи Умумии СММ раисҷумҳури Амрико Доналд Трампро "гирифтори бемории рӯҳӣ" гуфту қайд кард, ки ба ӯ "тугмаи атомӣ"-ро набояд супорид.

Ӯ ҳамчунин изҳори боварӣ кард, ки Трамп Қасри сафедро ба "бозор" табдил додааст ва дар баробари ин қавл дод, ки Трамп барои суханони нисбати раҳбари Куреи Шимолӣ гуфтааш, ҷавоб хоҳад дод.

"Трамп мумкин намефаҳмад, чӣ гуфта истодааст, вале мо натиҷаи онро барояш кафолат медиҳем", — гуфт вазир.

Раисҷумҳури Амрико дар ҳошияи Иҷлосияи СММ таҳдид кард, ки Куреи Шимолиро пурра нобуд хоҳад кард. Дар баробари ин ӯ Ким Чен Инро "инсон-мушак" номид, ки ба сӯи худкушӣ парвоз дорад. Раҳбари Куреи Шимолӣ бо изҳороти шахсӣ ба Трамп посух гуфту таҳдид кард, ки ӯро ба коми оташ хоҳад кашид.

Мавзуъ

Таркиш ва заминларза: Куреи Шимолӣ бомби ҳидрогенӣ озмоиш кард
Раҳбари Куреи Шимолӣ артишашро омода ба ҷанг бо Амрико кард
Наҷотдиҳандагони тоҷик аз Куреи Ҷанубӣ корафзорҳои фаннӣ дарёфт карданд
Чин бо таҳримҳои Амрико бар Русияву Эрону Куреи Шимолӣ шадидан мухолифат кард
Барчаспҳо:
вокуниш, таҳдид, Доналд Трамп, Ким Чен Ин, Куреи Шимолӣ, Амрико

Мавзӯъҳои асосӣ