Рамазон Абдулатипов аз раҳбарии Доғистон истеъфо дод

© Sputnik / Рамиль Ситдиков / Гузариш ба медиабонкXVI Съезд политической партии "Единая Россия". День второй
XVI Съезд политической партии Единая Россия. День второй - Sputnik Тоҷикистон
Обуна шудан
Пас аз истеъфо Абдулатиповро барои баррасии идомаи фаъолияти сиёсӣ ва пешниҳоди номзадҳои нав ба ин симат ба Кремл боз хонданд

ДУШАНБЕ, 27 сент — Sputnik. Раҳбари Доғистон Рамазон Абдулапитов аз вазифааш истеъфо дод.

Дар ин бора рӯзномаи "Известия" хабар медиҳад.

Гуфта мешавад, ки Рамазон Абдулатипов мехоҳад симаташро тарк кунад. Ҳамакнун Абдулатиповро таъҷилан барои баррасии қарораш ва пешниҳоди номзадҳои ҷадид ба симати раҳбарӣ ба Кремл боз хондаанд.

Роҳбари ҷумҳурии Доғистон Рамазон Абдулатипов - Sputnik Тоҷикистон
Раҳбари Доғистон Рамазон Абдулатипов ба вилояти Суғд омад

Хадамоти матбуотии раҳбари Доғистон то кунун ин қазияро тавзеҳ надодааст.

Моҳи майи соли равон раҳбари Доғистон Рамазон Абдулатипов ба Тоҷикистон сафар карда буд.

Дар ин сафар ӯ бо кишвардори Тоҷикистон Эмомалӣ Раҳмон дидор ва мулоқот карда ҳамкориҳои дуҷонибаи кишварҳоро баррасӣ ва ба рушди ояндаи онҳо изҳори омодагӣ карда буд.

Ҳамчунин дар чорчӯби ин сафар Абдулатипов китобашро таҳти унвони "Халқи тоҷики ман" рӯнамоӣ карда буд.

"Ман ҳамеша ба тоҷикон муносибати бародарона доштам ва тоҷикон ҳам бо меҳр ба ман ҷавоб медоданд", — гуфта буд Абдулатипов.

Рамазон Абдулатипов чаҳор сол сафири Русия дар Тоҷикистон низ буд.

Лентаи хабарҳо
0