Тоҷикистон ба СҲИ: барои ҷавонон ҷои кор таъсис диҳед

© Фото : Аз ВУХИштирок дар 45-умин нишасти Шӯрои вазирони корҳои хориҷии кишварҳои аъзои Созмони ҳамкории исломӣ (СҲИ)
Иштирок дар 45-умин нишасти Шӯрои вазирони корҳои хориҷии кишварҳои аъзои Созмони ҳамкории исломӣ (СҲИ) - Sputnik Тоҷикистон
Обуна шудан
Муовини вазири корҳои хориҷии Тоҷикистон Исматулло Насредин ба намояндагони Созмони ҳамкории исломӣ (СҲИ) пешниҳод кардааст, ки бо таъсиси ҷойҳои нави корӣ ҷавононро аз тундгароӣ раҷот диҳанд

ДУШАНБЕ, 7 май — Sputnik. Дар шаҳри Даккаи Бангладеш нишасти 45-уми Шӯрои вазирони корҳои хориҷии кишварҳои узвиСозмони ҳамкории исломӣ (СҲИ) баргузор шудааст, хабар медиҳад равобити умумии Вазорати корҳоти хориҷӣ.

Ин нишаст рӯзҳои 5-6 май, таҳти унвони "Арзишҳои исломӣ баҳри сулҳи устувор, ҳамбастагӣ ва рушд"баргузор шудааст.

Сироҷиддин Аслов бо дабири кулли САҲА мулоқот кард - Sputnik Тоҷикистон
Мулоқоти Сироҷиддин Аслов бо дабири кулли САҲА

Аз Тоҷикистон дар ин дидор муовини вазири корҳои хориҷии Тоҷикистон Исматулло Насредин ширкат кардааст.

Вай дар суханрониаш таъкид кардааст, ки "Созмони ҳамкории исломӣ бояд дар ҳалли қазияҳои ҷаҳони ислом нақши муассир дошта бошад".

Дипломати тоҷик таваҷҷуҳи ҳозиринро ба масоили вобаста ба тақвияти мубориза бо терроризму ифротгароӣ, пешгирӣ аз маблағгузорӣ ва роҳ надодан ба густариши фаъолияти гурӯҳҳои террористӣ ҷалб кардааст.

"Дастгирии молию иқтисодӣ, мусоидат ба беҳсозии зербинои иҷтимоии кишварҳои тараққикунанда ва дар ин замина муҳайё намудани ҷойҳои нави корӣ метавонад яке аз чораҳои эҳтиётӣ дар ҷалби ҷавонон ба гурӯҳҳои тундгаро бошад", — гуфтааст Исматулло Насредин.

Лентаи хабарҳо
0