Парлумони Афғонистон аз дидори Ашраф Ғанӣ бо Доналд Трамп интиқод кард

© AP Photo/Dan Kitwood/PooПрезидент Афганистана Ашраф Гани, архивное фото
Президент Афганистана Ашраф Гани, архивное фото - Sputnik Тоҷикистон
Обуна шудан
Парлумони Афғонистон бо интиқод аз дидори раиси ҷумҳури ин кишвар бо Доналд Трамп ҳамтои амрикоиаш дар пойгоҳи ҳавоии Беграм аз Ашраф Ғанӣ хост аз мардуми Афғонистон узрхоҳӣ кунад

ДУШАНБЕ, 1 дек — Sputnik.  Аъзои парлумони Афғонистон дар саҳни алании маҷлис эълом карданд дидори Ашраф Ғанӣ бо Трамп дар пойгоҳи Беграм эҳсосоти мардуми ин кишварро хадшадор кардааст.

Президент США Дональд Трамп - Sputnik Тоҷикистон
Трамп бидуни огоҳӣ озими Афғонистон шуд

Шуморе аз намояндагон эълом карданд ҳузури Ашраф Ғанӣ дар пойгоҳи низомии Беграм барои мулоқот бо Трамп истиқлоли Афғонистонро зери савол бурд ва тавҳин ба мардуми ин кишвар буд.

Раиси ҷумҳури Амрико рӯзи панҷшанбе 28 ноябр дар сафаре аз пеш эъломнашуда вориди пойгоҳи низомиёни ин кишвар дар Беграми Афғонистон шуд ва Ашраф Ғанӣ раиси ҷумҳурӣ ва Асадуллоҳ Холид сарпарасти Вазорати дифои ин кишвар ба дидори вай рафтанд.

Ин сафари Трамп ба Афғонистон ва рафтани Ашраф Ғанӣ ба дидори вай бо интиқоди шадиди афкори умумӣ, расонаҳо ва сиёсатмадорон ва чеҳраҳои саршиноси ин кишвар рӯ ба рӯ шудааст.

Лентаи хабарҳо
0