07:36 30 майи 2020
Пахши мустақим
  • USD10.27
  • EUR11.42
  • RUB0.14
Дар ҷаҳон
Гирифтани линки кӯтоҳ
694 0 0

Тоҷикистон дар радабандии кишварҳои хушбахти ҷаҳон се зина пеш рафта, соли равон мақоми 71-умро гирифтааст

ДУШАНБЕ, 20 мар - Sputnik. Финландия, Дания ва Швейтсария ба сегонаи кишварҳои хушбахттарин шомил гардидаанд,  таъкид шудааст дар гузориши ҷадиди “World Happiness Report”, ки дар Рӯзи хушбахтӣ – 20 март нашр гардид.

Гузоришгарон дараҷаи хушбахтии тоҷикистониёнро дар қиёс ба сокинони Русия ду зина пеш баҳогузорӣ кардаанд. Русия дар ин радабандӣ мавқеи 73-юм дорад.

Миёни кишварҳои Осиёи Марказӣ хушбахттарин Ӯзбекистон мебошад, ки дар дар зинаи 38-ум ҷой гирифтааст. Сипас Қазоқистон - соҳиби ҷойи 50-ум мебошад. Қирғизистону Туркманистон мутаносибан дар миёни 153 кишвари ҷаҳон ҷойҳои 74 ва 95 гирифтаанд.

Вазъи Афғонистон дар қиёс бо соли гузашта боз бадтар шудааст. Агар соли пешӣ Афғонистон ба сегонаи кишварҳои бадбахт шомил шуда буд, имсол расман бадбахттарин кишвар дар ҷаҳон эътироф шудааст.

Радабандӣ бар асоси назарпурсии сокинони кишварҳои гуногуни ҷаҳон дар бораи зиндагияшон бо назардошти вазъи иҷтимоию иқтисодӣ ва омилҳои дигар таҳия шудааст.

Раҳмон: ба шарофати бародарам миллион мардуми Тоҷикистону Узбакистон шод шуд

Инчунин радабандии шаҳрҳои хушбахти ҷаҳон бар асоси назарпурсии сокинонаш таҳия шудааст, ки дар он Душанбе миёни 186 шаҳри ҷаҳон дар ҷойи 106-ум қарор гирифтааст. Душанбе аз нигоҳи суръати таҳаввулот дар ҳаёти сокинонаш ба феҳрасти шаҳрҳои пешсаф шомил гардидааст.

Барчаспҳо:
хушбахтӣ, Русия, Ӯзбекистон, Ҷаҳон, Тоҷикистон

Мавзӯъҳои асосӣ