12:06 09 июли 2020
Пахши мустақим
  • USD10.31
  • EUR11.64
  • RUB0.14
Дар ҷаҳон
Гирифтани линки кӯтоҳ
Пайомадҳои COVID-19 дар Тоҷикистон ва ҷаҳон (612)
58410

Пирамарди 106 солаи мубтало ба коронавирус дар Эрон бо беҳбуди вазъияти ҷисмонӣ аз бемористон ҷавоб дода шуд

ДУШАНБЕ, 6 апр — Sputnik. Ин марди 106-сола, ки дар Эрон мубталои коронавирус шуда буд, пас аз 14 рӯзи бистарӣ дар бемористон бо беҳбудии комил рухсат шуда, ба хона бозгашт, иттилоъ додааст хабаргузории “Parstoday”.

Ба иттилои манбаъ, то кунун даҳҳо бемори мубтало ба коронавирус дар Эрон бо беш аз 90 сол синн, бо иродаи қавӣ, ин вируси кушандаро шикаст доданд ва аз бемористон мураххас шуданд.

Коронавирус, авохири соли гузашта 2019 дар шаҳри "Вуҳон"-и Чин шиносоӣ шуд.

Ҳамакнун тақрибан тамоми кишварҳои ҷаҳон даргири муқобила бо вируси корона ҳастанд ва омори мубталоён ба ин вирус  ба беш аз як миллион нафар дар саросари дунё афзоиш ёфтааст, ки аз ин теъдод ҳудуди 59 ҳазор нафар ҷони худро аз даст доданд ва дастикам  229 ҳазор нафар низ беҳбуд ёфта аз бемористонҳо мураххас шудаанд.

Бинобар эъломи Вазорати тандурустӣ, дармон ва омӯзиши пизишкии Эрон, то кунун аз маҷмӯи 53 ҳазору 183 нафаре, ки дар Эрон ба вируси корона мубтало шудаанд, 17 ҳазору 935 нафари онҳо беҳбуд ёфта аз бемористонҳо мураххас шудаанд ва 3 ҳазору  294 нафар низ ҷони худро аз даст додаанд.

Мавзуҳо:
Пайомадҳои COVID-19 дар Тоҷикистон ва ҷаҳон (612)
Барчаспҳо:
ҷавоб, бемористон, Эрон, вируси нав, вирус, пирамард

Мавзӯъҳои асосӣ