Тоҷикистон ба донишҷӯёни тоҷики дар Русия дармонда, маводи хӯрокворӣ фиристод

© Sputnik / Екатерина Чеснокова / Гузариш ба медиабонкСтудентка в аудитории Московского педагогического государственного университета, архивное фото
Студентка в аудитории Московского педагогического государственного университета, архивное фото - Sputnik Тоҷикистон
Обуна шудан
Тоҷикистон ба донишҷӯёни тоҷик, ки дар робита ба авҷи коронавирус дар Русия дармонданд ва имкони ба ватан омаданро надоштанд, се мошини боркаши пур аз маводи хӯрокворӣ фиристод

ДУШАНБЕ, 27 апр — Sputnik. Намояндагиҳои дипломатии Тоҷикистон ва инчунин соҳибкорон ба донишҷӯёни тоҷик дар Донишгоҳи давлатии Урали Ҷанубӣ дар Челябинск кумак карданд.

РОО НУР помогает соотечественникам в период пандемии коронавируса - Sputnik Тоҷикистон
Дастгирии муҳоҷирон: созмони "Нур" ба 350 хонаводаи тоҷик кӯмаки озӯқаворӣ расонд
Тибқи иттилои расонаҳои маҳаллӣ, кумак ба донишҷӯёне, ки дар робита ба авҷи коронавирус аз лиҳози молиявӣ ба мушкилот рӯбарӯ шуданд, расонида шуд.

Ҳамзамон кумаки хӯроквориро дар арафаи моҳи шарифи Рамазон ба донишҷӯёни тоҷик расонданд. Гуфта мешавад, аз ин кӯмакҳо беш аз 300 нафар бархӯрдор шуданд.

Се мошини боркаш ҳомили орд, ғалладона, равған, тухм ва сабзавот ба шаҳраки донишҷӯён ворид шуда, ба муҳассилини тоҷик тақсим карда шуд.

Охирин омор: Гирифторони коронавирус дар ҷаҳон ба 3 миллион наздик шуд

Зикр мегардад, ки бастаҳои маводи ғизоӣ ба донишҷӯён супурда шуда, онҳоро бо фарорасии моҳи шарифи Рамазон табрик намуданд.

Бо авҷ гирифтани маризии коронавирус дар ҷаҳон аксар шаҳрвандони кишвар ба Тоҷикистон баргаштанд, вале бо масдуд шудани равобити ҳавоӣ ваа заминӣ аксар шаҳрвандони тоҷик дар кишвари иқоматашон дармонданд. 

Зимнан, бо эълон шудани қарантин ва режими хонашинӣ, муҳоҷирон ва донишҷӯёни тоҷик ба мушкили молиявӣ дучор шуданд. 

Дар Русия феълан гурӯҳҳои ихтиёриён ва нафарони дороманд ба оилаҳои ниёзманд кӯмакҳои молӣ ва озуқаворӣ мерасонанд.

Лентаи хабарҳо
0