05:21 27 сентябри 2020
Пахши мустақим
  • USD10.33
  • EUR12.02
  • RUB0.13
Дар ҷаҳон
Гирифтани линки кӯтоҳ
Пайомадҳои COVID-19 дар Тоҷикистон ва ҷаҳон (743)
396 0 0

Раҳбари Созмони ҷаҳонии беҳдошт ҳаҷми умумии хисороти коронавирус ба иқтисодиёти ҷаҳонро эълон намуда, изҳор дошт, ки боз 100 миллиард доллари дигар масраф мешавад

ДУШАНБЕ, 15 авг — Sputnik. Ба гузориши СҶБ зарари умумии коронавирус ба иқтисодиёти ҷаҳон дар ду сол аз 12 триллион доллар зиёдтар хоҳад шуд.

Роҳбари Созмони ҷаҳонии беҳдошт Тедрос Аданом рӯзи панҷшанбе дар ҷараёни брифинге дар Женева ба масоили истеҳсоли ваксина алайҳи коронавирус таъкид карда гуфт, ки  барои коркард ва истеҳсоли ваксинаи муассири зидди коронавирус, ҷаҳон бояд на камтар аз 100 миллиард доллар харҷ кунад.

Эълони омори тозаи сироят, фавт ва шифоёбӣ аз коронавирус дар Тоҷикистон

Ба гуфтаи ӯ, пандемия ба иқтисоди ҷаҳонӣ дар як моҳ 375 миллиард доллар зарар мерасонад.

Тедрос Аданом Гебрейесус гуфтааст, "ҷаҳон аллакай триллионҳо долларро барои мубориза бо оқибатҳои кӯтоҳмуддати пандемия сарф кардааст".

"Ҳоло ҳама савол медиҳанд, ки чӣ тавр мо ба зиндагии муқаррарӣ баргардем? Ман боварӣ дорам, ки набояд дар бораи он бигӯем, ки чӣ тавр ба қафо бозгардем, балки дар бораи он бигӯем, ки чӣ гуна ба пеш хоҳем рафт. Ва барои ба пеш ҳаракат кардан мо бояд якҷоя кор кунем", - афзудаст роҳбари СҶБ.

Мувофиқи гуфтаҳои роҳбари СҶБ, ҷаҳон бояд якчанд намуд ваксинаҳои мухталиф эҷод кунад, то имкони таҳияи доруи муносибро зиёд намоянд. Вақте як ваксинаи муассир ва универсалӣ таҳия мешавад, таъкид кард ӯ, талабот ба он аз пешниҳод дида, ба маротиб зиёд хоҳад буд.

 

Мавзуҳо:
Пайомадҳои COVID-19 дар Тоҷикистон ва ҷаҳон (743)
Барчаспҳо:
иқтисод, хисорот, ҳаҷм, СҶБ

Мавзӯъҳои асосӣ