Чин қимати ваксинаи зидди вируси коронаро эълон кард

© REUTERS \ Dado RuvicВакцина
Вакцина  - Sputnik Тоҷикистон
Обуна шудан
Ширкати дорусозии Синуформ, созандаи яке аз ваксинаҳои зиддикороноии Чин, ки дар ҳоли тайи марҳилаи ниҳоии озмоишҳои клиникӣ аст, баҳои ин ваксинаро ҳудуди 150 доллар эълон кард

ДУШАНБЕ, 19 авг — Sputnik. Лю Сзин Ҷин,  раиси ин ширкати дорусозии Синуформи чинӣ рӯзи чаҳоршанбе дар конфронси хабарӣ дар Пекин эълом кард, ки ваксина то поёни соли 2020 мелодӣ вориди бозор мешавад ва ду бор тазриқи он, ҳазор юан муодили 150 доллар ҳазина дорад, хабаргузории Ирна.

Первая в мире вакцина от коронавируса - Sputnik Тоҷикистон
Русия ба истеҳсоли ваксина алайҳи коронавирус шурӯъ кард

Вай афзуд, ин ваксина ба зудӣ мароҳили поёнии озмоишро пушти сар мегузорад ва тибқи арзёбиҳое, ки сурат гирифта баҳои он барои дарёфткунандагон зиёд нест. 

Дар ҳамин ҳол, Лю Сзин Ҷин гуфт: лозим нест, ки ҳама як миллиарду 400 миллион нафар ҷамъияти Чин ин ваксинаро тазриқ кунанд, аммо пешниҳод мешавад, ки донишҷуён ва ё касоне, ки дар шаҳрҳо машғули кор ҳастанд ваксина бизананд ва дар рустоҳо ва манотиқи маҳрум, ки камҷамъияттар ҳастанд зарурате барои ин кор нест.

Ёдрас мешавем, ки санаи 11 - уми август нахустин ваксинаи алайҳи вируси коронаи сохти Русия, бомуваффақият озмоиш ва ба қайд гирифта шуд. Ба истеҳсоли ваксин корхонаи дорусозии "Бинофарм" шурӯъ намуд

Вазорати тандурустии Русия хабар дод, ки дар кишвар ба истеҳсоли нахустин ваксинаи алайҳи коронавирус дар шароити корхонаҳои дорусозӣ шурӯъ намуданд.

Ваксинаи алайҳи коронавирус, ки Русия дар ҷаҳон аввалин шуда, истеҳсол кард, номи "Спутник V"- ро гирифт.

Ин ваксина аз ҷониби мутахассисони Маркази миллии илмии эпидемиология ва микробиологияи ба номи Гамалеи таҳия шудааст.

Лентаи хабарҳо
0