23:39 31 октябри 2020
Пахши мустақим
  • USD10.34
  • EUR12.07
  • RUB0.13
Дар ҷаҳон
Гирифтани линки кӯтоҳ
Пайомадҳои COVID-19 дар Тоҷикистон ва ҷаҳон (821)
769 0 0

Эпидемиологи бритонӣ мегӯяд, дар сурати пайдо шудани нишонаҳои зуком дар кӯдакон, волидон набояд ҳаросанд. Зеро зуком ин маризии коронавирус нест

ДУШАНБЕ, 21 сен — Sputnik. Профессори Коллеҷи Шоҳигарии Лондон Тим Спектор изҳор доштааст, ки бемуболиға нишонаҳои шамолхӯрии оддӣ ва маризии коронавирус ҳамшабеҳ ҳастанд, вале ҳамоно хусусиятҳои фарқкунанда низ доранд.

Макони озод аз вируси корона: деҳаи Шинг – як марзи мустаҳкам аз COVID-19 дар Тоҷикистон

Эпидемиологи бритонӣ ба волидоне, ки фарзандонашон андаке шамол хӯрда, нишонаҳои зуком дар онҳо пайдо мешавад, муроҷиат намуда мегӯяд, ки ба ҳеҷ ваҷҳ наҳаросанд.

"Зеро маъмултарин нишонаҳои маризии коронавирус миёни кӯдакон ин тасфи баланд, сардардӣ ва бемадорӣ мебошад", - афзудааст мутахассиси бритонӣ.

Ба гуфтаи Спектор, дар одамони калонсол ин маризӣ бо нишонаҳои табларза, аз ҳад зиёд бемадорӣ ва гум кардани қувваи шомма зуҳур мекунад.

Эпидемиолог ҳамчунин таъкид намуд, ки дар бадани кӯдакони гирифтори маризии коронавирус, доначаҳо пайдо мешаванд.

Тим Спектор мегӯяд, волидон дар ҳар сурат набояд ба воҳима дода шаванд, вале аз эҳтиёт ҳам бояд кор бигиранд.

Бар тибқи маслиҳати ӯ, дар сурати пайдо шудани яке аз нишонаҳои зикршуда дар кӯдакон, онҳоро фавран бояд аз дигарон ҷудо кард ва зуд ба кумаки табибон шитофт.

 

Эпидемиолог таъкид мекунад, ки "ба ҳеҷ ваҷҳ ба худдавоӣ машғул нашавед, зеро оқибати нохуб метавонад ба бор орад".

Мавзуҳо:
Пайомадҳои COVID-19 дар Тоҷикистон ва ҷаҳон (821)
Барчаспҳо:
Британия, пизишк, маризӣ, кӯдак

Мавзӯъҳои асосӣ