08:05 28 октябри 2020
Пахши мустақим
  • USD10.34
  • EUR12.23
  • RUB0.13
Дар ҷаҳон
Гирифтани линки кӯтоҳ
348 0 0

Додгоҳе дар Яман ҳукми эъдоми даҳ нафар аз ҷумла Салмон бин Абдулазиз - подшоҳи Арабистон, Муҳаммад бин Салмон, валиаҳди Саъудӣ ва Доналд Трамп, раисҷумҳури Амрикоро дар иртибот бо ҷинояти ҳамлаи ҳавоӣ ба автобуси ҳомили донишомӯзони яманӣ дар бозори Саъда содир кард

ДУШАНБЕ, 2 окт — Sputnik.  Ба гузориши хабаргузории ямании Сабо, дар ин додгоҳ, ки ба раёсати қозӣ Риёз Арризомӣ баргузор шуд, ҳукми эъдоми ин афрод ба ҳамроҳи Турки бин Бандар бин Абдулазиз, шоҳзодаи саъудӣ, Ҷеймс Матиз, вазири дифои пешини Амрико, Абдурабӣ Мансур Ҳодӣ, раиси ҷумҳури мустаъфии Яман ва чанд мақоми дигари давлати мустаъфии Яман содир шуд.

Гуфта шудааст, ки ин афрод ба пардохти 10 миллиард доллар ғаромат ба волидайни кудакон маҳкум шуданд.

Бино бар иттилои манбаъ, Турки Алмоликӣ, сухангӯи эътилофи мутаҷовизи Саъудӣ пас аз ҳамлаи ҷангандаҳои саъудӣ ба бозори Саъда ва куштори донишомӯзони яманӣ гуфт, ки ин ҳамла иқдоми низомии машрӯъ будааст.

Арабистон бо ҳимояти Аморот, Амрико ва чанд кишвари дигар аз марти 2015 иқдом ба таҷовузи низомӣ ба Яман ва муҳосираи заминӣ, дарёӣ ва ҳавоии ин кишвар кардааст.

Ёдрас мешавем, ки ҷангандаҳои саъудӣ санаи 9 августи 2018 автобуси ҳомили кӯдакони яманиро дар шаҳри Заҳиёни  устони Саъда ҳадаф қарор доданд, ки бар асари он 55 кӯдак кушта ва 77 нафари дигар захмӣ шуданд.

Мавзӯъҳои асосӣ