Арманистон аз Тоҷикистон роҳбарии СПАД-ро қабул кард

Эмомалӣ Раҳмон ва Серж Саргсян, руасои ҷумҳури Тоҷикистон ва Арманистон бо Николай Бордюжа, котиби генералии созмони СПАД сӯҳбати сегона анҷом доданд.

ДУШАНБЕ, 15 сен — Sputnik. Тоҷикистон расман раҳбарии СПАД-ро ба Арманистон супурд, хабар медиҳад хабарнигори Sputnik, ки дар нишасти хабарии сегонаи Эмомалӣ Раҳмон, Серж Саргсян ва дабири кулли Созмони Паймони Амнияти Дастҷамъӣ ширкат дошт.

Қосими Бекмуҳаммад, журналист ва сиёсатшинос. Акс аз бойгонӣ - Sputnik Тоҷикистон
Қосими Бекмуҳаммад: СПАД бояд муборизаро бо терроризм тақвият бахшад

Эмомалӣ Раҳмон дар ин нишаст гуфт, Тоҷикистон муҳлати раҳбарияти СПАД-ро муваффақона ба анҷом расонд ва ҳамакнун навбати раҳбарии ин созмон барои як соли оянда ба Арманистон интиқол меёбад. Президент Раҳмон илова кардааст, ки тӯли раҳбарии кишвараш бори аввал озмоиши фаврии неруҳои зудамали СПАД дар қаламрави Тоҷикистон баргузор шуд, ки он хеле муваффақона буд.

Серж Саргсян, президенти Арманистон гуфт, озмоиши фаврияти кори нерӯҳои СПАД дар Тоҷикистон собит кард, ки нерӯҳои ин созмон омодаанд ҳама гуна таҳдидҳоро ба кишварҳои узви созмон зуд бартараф кунанд.

"Дар ҷаласаи мазкур созиш ҳосил шуд, ки марзҳои ҷанубии созмон, яъне марзи Тоҷикистон бо Афғонистон тақвият дода шавад", — гуфтааст Саргсян.

Акси дастаҷамъии ҷаласаи вазирони хориҷа, Шӯрои вазирони дифоъ ва Кумитаи котиботи шӯрои амнияти СПАД - Sputnik Тоҷикистон
Ҷаласа дар Душанбе ғайриоддӣ шурӯъ шуд

Вай ҳамчунин гуфт, дар давраи раҳбарии кишвараш дар СПАД Арманистон ният дорад, муборизаро бо ҳар гуна зуҳуроти қавмгароӣ, фашизм ва ҷиноятҳои кибернетикӣ тақвият бубахшад.

Дар поёни ҳамоиш Николай Бордюжа, дабири кулли СПАД гуфт, раҳбарони кишварҳои узви созмон ба қароре расиданд, ки дар оинномаи СПАД то моҳи октябр тағийрот ворид намоянд. Аммо нагуфт, ки ин тағйирот аз чӣ иборат аст ва кадом масоилро дар бар мегирад.

Созмони Паймони Амнияти Дастҷамъӣ як ташкилоти низомиву сиёсӣ бар асоси Паймони амнияти дастҷамъӣ дар соли 1999 ташкил шуда, ба узвияти он Русия, Арманистон, Қазоқистон, Қирғизистон, Тоҷикистон ва Белорус шомиланд. Ӯзбакистон дар соли 1999, дар авҷи гармии муносибатҳояш бо Ғарб ва Иёлоти Муттаҳидаи Амрико СПАД-ро тарк кард.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала