Арчаи миллӣ бо розигии Президент: дастур барои насб пеши идораю хонаҳо - аксҳо

© Sputnik / © Sputnik / Амир ИсаевСуманак на площади Сомони в Душанбе
Суманак на площади Сомони в Душанбе - Sputnik Тоҷикистон
Обуна шудан
НовостиTelegram
Котиботи раисиҷумҳури Тоҷикистон мегӯяд, ба мақомот тавсия дода шуд, рамзи тасдиқкардаи Эмомалӣ Раҳмонро ба ҷои арча дар рӯзҳои ҷашни байналмилалии Наврӯз ва Соли нави миллӣ дар пеши идораҳо насб намоянд

ДУШАНБЕ, 13 мар – Sputnik. Эмомалӣ Раҳмон, раисиҷумҳури Тоҷикистон, рамзҳои ҷашни байналмилалии Наврӯз ва Соли нави миллӣ барои солҳои 2019-2021-ро тасдиқ кардааст.

Омодагӣ ба Наврӯз: насби бузургтарин табақи суманак дар шаҳри Душанбе

Ин рамзҳо аз тарафи Иттифоқи рассомони Тоҷикистон дар асоси хулосаҳои донишмандони Академияи илмҳои Ҷумҳурии Тоҷикистон омода шуданд, хабар дод котиботи раисиҷумҳур.

“Рамзи якум арчамонанд буда, аз ҳафт табақ иборат мебошад. Ҳамаи табақҳо аз давраҳо иборат буда, мазмуни гардиши фалак ва коинотро ифода менамояд. Ҳар давра бо нақшу нигори миллӣ ороиш дода шудааст. Дар гирдогирди табақҳо гулдӯзиҳои гуногун ва дар табақи охирони суманак гули наврӯзӣ чун нишонаи эҳёи табиат гузошта шудааст”, - тавзеҳ дод дафтари матбуоти раисиҷумҳур.

© дафтари матбуоти раисҷумҳури ТоҷикистонРамзҳои ҷашни байналмилалии Наврӯз ва Соли нави миллӣ
Арчаи миллӣ бо розигии Президент: дастур барои насб пеши идораю хонаҳо - аксҳо - Sputnik Тоҷикистон
Рамзҳои ҷашни байналмилалии Наврӯз ва Соли нави миллӣ

Манбаъ афзуд, дар асоси хулосаҳои донишмандон, мардумшиносон ва фолклоршиносони тоҷик ва дигар олимони ҳавзаи Наврӯз аз миёни рамзҳои наврӯзӣ, ки аз гулҳои бойчечак, сиёҳгӯш, лола, гули зард, шохи дарахти ғунчадор ва паррандаҳои асотирии симурғ ва парасту иборатанд, суманак ва гули наврӯзӣ ҳамчун рамзи истиқболи ҷашни Наврӯзи байналмилалӣ, Соли нави миллӣ ва пайки омад - омади баҳори файзбор дар ҷумҳурӣ қабул гардид.

Минбаъд суманак ва гули наврӯзӣ ҳамчун рамзи миллӣ барои ҷашнгирии Соли нави миллӣ ва Наврӯзи байналмилалӣ истифода хоҳад гашт, таъкид кардааст котиботи раисиҷумҳур.

Пробирки с биоматериалом в лабораторном комплексе - Sputnik Тоҷикистон
Наврӯз ва саломатӣ: ташхиси тиббии ройгони тамоми шаҳрвандони Тоҷикистон

“Донишмандон бар он ақидаанд, ки суманак дар ҳамаи минтақаҳои Тоҷикистон маъмул буда, ҳамчун рамзи сарсабзӣ ва хуррамӣ дар арафаи Соли нави миллӣ ва ҷашни Наврӯз омода мешавад. Суманак инчунин ифодагари пайдо шудани заминдорӣ ва кишоварзӣ дар миёни қабилаҳои ориёӣ буда, муносибату муҳаббати деҳқонро ба гандум, ки ризқу рӯзии одам аст, ифода менамояд. Дар зарфи гирд омода кардани суманак рамзи коиноту замин буда, ҷовидонагии табиату инсонро тасвир месозад”, - шарҳ дода шудааст дар иттилоия.

Рамзи дуюм намуди доирашакл дошта, дар мобайни он кураи замин, аз ду тарафи он Парчами миллӣ ва пайки баҳор - суманак, парасту, накшу нигори гулдӯзӣ ҳамчун рамзи ҳунарҳои мардумӣ ва рангинкамон бо навиштаҷоти “Наврӯз - 2020” бо забони тоҷикӣ инъикос ёфтааст.

© дафтари матбуоти раисиҷумҳури ТоҷикистонРамзҳои ҷашни байналмилалии Наврӯз ва Соли нави миллӣ
Арчаи миллӣ бо розигии Президент: дастур барои насб пеши идораю хонаҳо - аксҳо - Sputnik Тоҷикистон
Рамзҳои ҷашни байналмилалии Наврӯз ва Соли нави миллӣ

Котиботи раисиҷумҳур таъкид кард, ки ба вазорату идораҳо, ташкилоту муассисаҳо, мақомоти иҷроияи ҳокимияти давлатии вилоятҳо, шаҳри Душанбе, шаҳру ноҳияҳо тавсия дода мешавад, ки рамзи якумро ба ҷойи арча дар назди идораҳо, кӯчаву хиёбонҳо, иншооту хонаҳои истиқоматӣ ҳамчун рамзи ҷашни Наврӯз ва таҷлили Соли нави миллӣ аз 19 то 25 марти соли 2020 насб намоянд.

Лентаи хабарҳо
0