Ширин Амонзода шахсан аз рафти сохтмони иншоот дар ноҳияи Дӯстӣ дидан кард

© Вазири меҳнат ва шуғли аҳолӣ ТоҷикистонВазири меҳнат ва шуғли аҳолӣ Ширин Амонзода
Вазири меҳнат ва шуғли аҳолӣ Ширин Амонзода - Sputnik Тоҷикистон, 1920, 11.04.2021
Дирӯз дар доираи сафарӣ корӣ вазири меҳнат, муҳоҷират ва шуғли аҳолии Тоҷикистон бо ҷараёни корҳои сохтмонӣ дар иншооти сохташаванда барои шуъбаву бахшҳои сохторҳои вазорат дар ноҳияи Дӯстӣ дидан намуд
ДУШАНБЕ, 11 апрел - Sputnik. Тибқи иттилои дафтари матбуоти вазорати меҳнат ва шуғли аҳолии Тоҷикистон, худи вазир Амонзода Ширин Шодӣ шахсан аз ҷараёни сохтмони ин иншоот дидан кардааст.
Иттилоъ дода шудааст, ки иншооти мазкур аз ду ошёна иборат буда, аз ҳисоби маблағҳои буҷҷети давлатӣ дар самти сохтмон барои сохторҳои вазорати меҳнат, муҳоҷират ва шуғли аҳолии Тоҷикистон бунёд гардида истодааст.
Ширин Амонзода, вазири меҳнат, муҳоҷират дар Ворух - Sputnik Тоҷикистон, 1920, 03.04.2021
Ширин Амонзода бо як ҳайати Вазорати меҳнат ба Ворух рафт
Манбаъ қайд кардааст, ки зимни боздид маълум гардид, ки корҳои сохтмонӣ бо сифати баланд анҷом дода шуда, дар он утоқҳои барҳаво, имконият барои омӯзиши касбу ҳунар, омӯзиш барои шаҳрвандони имконияташон маҳдуд фароҳам оварда мешавад.
“Пас аз анҷоми корҳои сохтмонӣ дар бинои мазкур шуъбаву бахшҳои агентии меҳнат ва шуғли аҳолӣ, хадамоти муҳоҷират, маркази таълимии калонсолон ва дигар сохторҳои марбутаи вазорат фаъолияташонро идома медиҳанд”, - зикр кардааст дафтари матбуоти Вазорат.
Инчунин, иттилоъ дода шудааст, ки барои рушди ҳунармандӣ, эҳёи анъанаҳои миллӣ дар бинои мазкур курсҳои кутоҳмуддати омӯзишӣ роҳандозӣ мегардад.
Зикр шудааст, ки сохтмони бинои мазкур дар доираи тантанаҳои ҷашнӣ ба ифтихори 30 – солагии Истиқлолияти давлатии Тоҷикистон мавриди ба истифода дода мешавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала