Муфтии Тоҷикистон дар бораи баргузории намози таровеҳ, ифтор ва рӯзаи муҳоҷирин гуфт

© Sputnik / Амир ИсаевСаидмукаррам Абдулкодирзода, архивное фото
Саидмукаррам Абдулкодирзода, архивное фото - Sputnik Тоҷикистон, 1920, 12.04.2021
Шӯрои уламои Маркази исломии Тоҷикистон гуфтааст, имсол дар кишвар намози таровеҳ доир хоҳад шуд
ДУШАНБЕ, 12 апрел - Sputnik. Саидмукаррам Абдулқодирзода, раиси Шӯрои уламои Тоҷикистон гуфтааст, намози таровеҳ баргузор мешавад, зеро то ҳол Ситоди ҷумҳуриявии мубориза бо бемории ҳамагири COVID-19 монеае барои баргузории намози таровеҳ пешниҳод накардааст.
"Чун, феълан, дар ҷумҳурии мо короновирус ба қайд гирифта нашудааст, умед дорем, ки намози таровеҳ ва дигар намозҳо бо риояи чораҳои беҳдоштӣ баргузор мешаванд", - гуфтааст Абдулқодирзода дар мусоҳиба бо сомонаи "Пресса".
Ӯ гуфтааст, ба ҳамаи масоҷиди панҷвақта ва ҷомеъ тавсия додаанд, ки қоидаҳои беҳдоштиро риоя намоянд, намозгузорон ҳатман бо ниқоби тиббӣ вориди масҷид шаванд, аз маҳлулҳои антисептикӣ истифода баранд ва дар масҷидҳо корҳои уфунӣ гузаронанд.
Илова бар ин, фосилаҳо бояд дар сафи намоз ҳатман риоя карда шавад. Ҳамчунин, ҳар он чизе, ки Ситоди ҷумҳуриявии мубориза бо бемории ҳамагири COVID-19 тавсия кардааст, риоя мекунем, афзудааст раҳбари Шӯрои уламои Тоҷикистон.
Праздничный намаз на Иди Курбон в Душанбе - Sputnik Тоҷикистон, 1920, 08.04.2021
Шӯрои уламо пули фидяи савм, нисоби закот ва фитри рӯза дар Тоҷикистонро гуфт
Муфтии Тоҷикистон дар посух ба суоли ин ки, оё нафароне, ки намози панҷвақта намегузоранд, намози таровеҳ хонда метавонанд ё на, гуфтааст намоз хондан, яъне пок шудан аз гуноҳ аст ва шариати ислом ҳеҷ вақт дар ҳеҷ шакл нафареро аз намоз хондан манъ накардааст.

Агар чи хондани намози панҷвақта фарз аст ва намози таровеҳ суннат ё суннати муаккада, аҷру подоши зиёд дорад, лек на ба баробари он намозҳои фарзи панҷвақта. Агар нафаре, ки рӯза гираду намози панҷвақта нахонад, Худованд тавфиқаш диҳад, нафари рӯзадор ҳатман намози таровеҳ хонад, хоҳ узрнок бошад хоҳ беузр, таъкид кардааст раиси Шӯрои уламо.

Абдулқодирзода дар бораи ташкили маъракаҳои ифтор гуфтааст, дар бисёр кишварҳои дунё тавсия шудааст, ки аз ифтори дастаҷамъона худдорӣ кунанд, аммо дар мо то ҳол ягон дастур дар ин маврид содир нашудааст.
Баргузории маъракаи ифторро Кумитаи дин, танзими анъана ба ҷашну маросимҳо танзим мекунад.
Вид на мечеть шейха Зайда в Абу-Даби, ОАЭ - Sputnik Тоҷикистон, 1920, 12.04.2021
Чанд кишвар оғози моҳи Рамазонро ба таъхир гузоштанд: сабаб
Раиси Шӯрои уламо, ҳамзамон дар бораи рӯза гирифтан ё нагирифтани муҳоҷирини меҳнатӣ дар кишваре, ки ҳанӯз дар он (Русия) коронавирус поин наёфтааст, посух гуфтааст.
Номбурда гуфтааст, агар мутахассис гӯяд, ки рӯза доштан сабаби гирифторӣ ба COVID-19 мешавад, дар ин сурат шариати ислом барои пешгирии хатар иҷозат медиҳад, ки рӯзаашонро бихӯрад, вале ҳатман қазояшро бидорад. Дар дигар ҳолат бояд рӯза бигирад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала