Эҳтимоли болоравии нархи чиптаи ҳавопаймо дар Русия

© Sputnik / Виталий Аньков / Гузаштан ба хазинаи аксСамолет Boeing 767-200 авиакомпании "ЮТэйр", архивное фото
Самолет Boeing 767-200 авиакомпании ЮТэйр, архивное фото - Sputnik Тоҷикистон, 1920, 29.04.2021
Масъулини фурудгоҳи Внуково эълон намудааст, ки эҳтимол дорад дар ояндаи наздик дар Русия нархи чиптаҳои ҳавопаймо боз ҳам гаронтар шавад
ДУШАНБЕ, 29 апрел - Sputnik. Виталий Ванцев, роҳбари шӯрои директорони фурудгоҳи Внуково ба хабаргузории РБК гуфт, ки наздик ба фасли тобистони соли равон нархи чиптаҳо дар Русия боло хоҳад рафт.
Ба гуфтаи ӯ, дар вазъи кунунии бозор бинобар пандемияи коронавирус, ширкатҳо бояд ё фаъолияти худро қатъ кунанд ё тамоми таруфаҳоро зиёд намоянд.
"Умуман, чеки миёна дар соли 2020 дар як самт нисбат ба соли 2019 хеле коҳиш ёфт", - тавзеҳ додааст Ванцев.
Ба гуфтаи масълуи фурудгоҳи Внуково, пардохтҳои қарзи лизингӣ аз ҷониби ширкатҳои ҳавопаймоӣ бо доллар сурат мегирад ва ҳоло қурби рубл нисбат ба доллар 15-20 дарсад коҳиш ёфтааст.
Пассажирский самолет  - Sputnik Тоҷикистон, 1920, 26.04.2021
Парвозҳои миёни Русия ва Тоҷикистон: хабарҳои охирин
Аз арзоншавии нархи чипта то мушкили камбуди парвозҳо ва фурудоии тоҷикон дар Қирғизистон
Илова бар ин, дар ин муддат нархи сӯзишворӣ барои ширкатҳои ҳавопаймоӣ афзоиш ёфтааст. Ин ҳам дар ҳолест, ки нархи чиптаҳо боло нарафтааст ва ба ҳамин хотир ҳоло ҳамаи ширкатҳо дар вазъи душвори иқтисодӣ қарор доранд.
"Ин равшан аст, қавонини иқтисодӣ ҳастанд, бо онҳо баҳс кардан комилан беҳуда аст" - гуфт раиси Шӯрои директорони фурудгоҳи Внуково.
Дар ҳамин ҳол, Ванцев ҳушдор медиҳад, ки нархҳоро хеле "босалоҳият ва бодиққат" бояд боло бурд, то шумори парвозҳо кам нашавад.
Аҳамият диҳед, ки сомонаи бузурги фурӯши чиптаҳои онлайнии Aviasales, Tutu.ru, Kupibilet ва OneTwoTrip дар аввали моҳи апрел болоравии нархи чиптаҳоро аз 15 то 120 дарсад дар хатсарҳои алоҳида барои моҳҳои апрел-июни соли 2021 ба қайд гирифта буданд. Аммо ширкатҳои ҳавопаймоӣ ва Вазорати нақлиёт ин маълумотро рад карданд.
Внуково сеюмин фурудгоҳи бузургтарин дар Русия аст. Соли гузашта бинобар пандемия гардиши мусофирони он 48% коҳиш ёфта, ҳамагӣ 12,6 миллион нафарро ташкил дод.
Очередь за авиабилетами в авиакассу в Таджикистане - Sputnik Тоҷикистон, 1920, 15.04.2021
Нигарониҳо аз гаронии нархи чипта дар Хуҷанд: сокинон мегӯянд,то 15 ҳазор расид
Ёдрас мешавем, ки ахиран намояндагони ширкатҳои ҳавопаймоӣ Русия ва Тоҷикистон дар бораи то ба 50 дарсад арзон шудани нархи чиптаи ҳавопаймо таъкид мекунанд.
Зимнан арзиши чиптаи ҳавопаймо аз Тоҷикистн ба Русия, ки ширкатҳи ҳавопаймоӣпарвозҳои чартерӣ анҷом медиҳанд то ба 8,4 ҳазор сомонӣ поён оварда шудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала