https://sputnik.tj/20210501/qirghiziston-halokat-shahrvand-digarash-habar-1039204448.html
Вазири қирғиз аз ҳалокати 2 шаҳрванди дигар хабар дод
Вазири қирғиз аз ҳалокати 2 шаҳрванди дигар хабар дод
Sputnik Тоҷикистон
Алимқодир Бейшеналиев, вазири тандурустии Қирғизистон, аз афзоиши ҳалокшудагону маҷруҳон бар асари даргирӣ дар марз бо Тоҷикистон хабар дод
2021-05-01T13:16+0500
2021-05-01T13:16+0500
2021-05-01T14:20+0500
дар тоҷикистон
амният ва мудофиа
қирғизистон
осиёи марказӣ
https://cdnn1.img.sputnik.tj/img/07e5/04/13/1038777508_22:0:984:541_1920x0_80_0_0_11fd5680ce58bb66dcfe097c2185b9e3.jpg
ДУШАНБЕ, 1 май — Sputnik. Теъдоди қирғизистониҳои кушташуда бар асари даргирӣ дар марз ба 33 нафар расид, хабар дод вазири тандурустии ин кишвар Алимқодир Бейшеналиев. Шоми рӯзи 30 апрел Қирғизистон аз 31 куштаю 154 захмӣ хабар дода буд, ки 121 нафарашонро шаҳрвандони мулкӣ гуфт. Мақомоти Тоҷикистон расман ҳанӯз дар бораи теъдоди ҳалокшудагону ҷароҳатбардоштагон иттилоъ надодаанд, аммо манобеи маҳаллӣ аз марги то 10 нафару ҷароҳати беш аз 100 нафар дар пайи ин даргирӣ хабар медиҳанд. Дар ҳамин ҳол Хадамоти марзбонии Қирғизистон бо нашри як иттилоия ба ҳолати 12:45 дақиқаи 1 май, вазъро дар марз мураккаб арзёбӣ намуда, изҳор доштааст, ки низомиёни тоҷик дар мавзеи Аркаи ноҳияи Лейлек сӯи хонаи шаҳрвандони Қирғизистон, ки қаблан ба дигар ҷой кӯчонда шуданд, оташ кушодаанд. Таъкид шудааст, ки нерӯҳои марзбонӣ дар ҳолати мудофиавӣ қарор гирифтаанд. Аммо манбаи Sputnik Тоҷикистон аз мақомоти тоҷик иддао дар бораи тирпарронӣ дар марзро рад намуда, изҳор дошт, ки ҷониби Тоҷикистон тибқи тавофуқи ҳосилшуда, техникаю нерӯҳоро аз марз берун кашид, аммо тавре маълум шуд, ҷониби Қирғизистон ҳанӯз ин корро анҷом надодааст. Қаблан созиш шуда буд, ки имрӯз 1 май дар вилояти Бодканд ҷаласаи Комиссияи байниҳукуматӣ дар мавриди аломатгузории марз баргузор мешавад. Даргирӣ миёни низомиёни Тоҷикистону Қирғизистон 29 апрел шиддат гирифта, ҷонибҳо ҳамдигарро дар оғози типарронӣ муттаҳам мекунанд. Феълан барои оташбас созиш шуда, ҷонибҳо муваззаф гардида буданд, ки аз соати 13:00-и 30 апрел техникаю нерӯҳоро ба макони будубоши доимияшон интиқол диҳанд, роҳҳоро кушоянд ва рафтуомади шаҳрвандонро таъмин созанд.
https://sputnik.tj/20210501/rotashbasu-gardondani-neru-prezident-tojikiston-qirghiziston-1039204739.html
https://sputnik.tj/20210430/posbongohi-sarhadii-hojai-alo-tojikiston-qirgiziston-1039196959.html
қирғизистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
марз, қирғиз, тоҷик, ҳалокат
марз, қирғиз, тоҷик, ҳалокат
Вазири қирғиз аз ҳалокати 2 шаҳрванди дигар хабар дод
13:16 01.05.2021 (Навсозишуда: 14:20 01.05.2021) Алимқодир Бейшеналиев, вазири тандурустии Қирғизистон, аз афзоиши ҳалокшудагону маҷруҳон бар асари даргирӣ дар марз бо Тоҷикистон хабар дод
ДУШАНБЕ, 1 май — Sputnik. Теъдоди қирғизистониҳои кушташуда бар асари даргирӣ дар марз ба 33 нафар расид, хабар дод вазири тандурустии ин кишвар Алимқодир Бейшеналиев.
“Ахиран боз ду ҳалокшуда ва ду маҷруҳ оварда шудаанд”, - хабар додааст Sputnik Қирғизистон нисфирӯзи 1 май аз қавли вазири тандурустӣ, Бейшеналиев.
Шоми рӯзи 30 апрел Қирғизистон аз 31 куштаю 154 захмӣ хабар дода буд, ки 121 нафарашонро шаҳрвандони мулкӣ гуфт.
Мақомоти Тоҷикистон расман ҳанӯз дар бораи теъдоди ҳалокшудагону ҷароҳатбардоштагон иттилоъ надодаанд, аммо манобеи маҳаллӣ аз марги то 10 нафару ҷароҳати беш аз 100 нафар дар пайи ин даргирӣ хабар медиҳанд.
Дар ҳамин ҳол Хадамоти марзбонии Қирғизистон бо нашри як иттилоия ба ҳолати 12:45 дақиқаи 1 май, вазъро дар марз мураккаб арзёбӣ намуда, изҳор доштааст, ки низомиёни тоҷик дар мавзеи Аркаи ноҳияи Лейлек сӯи хонаи шаҳрвандони Қирғизистон, ки қаблан ба дигар ҷой кӯчонда шуданд, оташ кушодаанд. Таъкид шудааст, ки нерӯҳои марзбонӣ дар ҳолати мудофиавӣ қарор гирифтаанд.
Аммо манбаи Sputnik Тоҷикистон аз мақомоти тоҷик иддао дар бораи тирпарронӣ дар марзро рад намуда, изҳор дошт, ки ҷониби Тоҷикистон тибқи тавофуқи ҳосилшуда, техникаю нерӯҳоро аз марз берун кашид, аммо тавре маълум шуд, ҷониби Қирғизистон ҳанӯз ин корро анҷом надодааст.
Қаблан созиш шуда буд, ки имрӯз 1 май дар вилояти Бодканд ҷаласаи Комиссияи байниҳукуматӣ дар мавриди аломатгузории марз баргузор мешавад.
Даргирӣ миёни низомиёни Тоҷикистону Қирғизистон 29 апрел шиддат гирифта, ҷонибҳо ҳамдигарро дар оғози типарронӣ муттаҳам мекунанд. Феълан барои оташбас созиш шуда, ҷонибҳо муваззаф гардида буданд, ки аз соати 13:00-и 30 апрел техникаю нерӯҳоро ба макони будубоши доимияшон интиқол диҳанд, роҳҳоро кушоянд ва рафтуомади шаҳрвандонро таъмин созанд.
