Тоҷикистон бо Туркия бозорҳои нави фурӯши маҳсулот меҷӯяд

© Пресс-служба Президента Республики ТаджикистанЦех на предприятия и ООО «Вахдат Текстиль»
Цех на предприятия и ООО «Вахдат Текстиль» - Sputnik Тоҷикистон, 1920, 18.05.2021
Дар Душанбе мулоқоти роҳбарияти Вазорати саноат ва технологияҳои нави Тоҷикистон бо намояндагони Ширкати “Çalık Holding”-и Туркия баргузор шуд
ДУШАНБЕ, 18 май – Sputnik. Бино бар иттилои даафтари матбуоти вазорати саноати Тоҷикистон, ҳадаф аз баргузории вохӯрӣ густариши ҳамкориҳо байни корхонаҳои саноатӣ бо ширкати мазкур, роҳҳои дарёфти бозорҳои нави фурӯши маҳсулот ва мубодилаи таҷриба байни мутахассисон дар самтҳои дахлдор маҳсуб меёбанд.
“Ҳамчунин, боздид ва аз наздик шиносоӣ пайдо намудани намояндагони Ширкати “Çalık Holding” аз як қатор корхонаҳои соҳаи саноати сабук дар назар дошта шудааст”, - таъкид доштааст манбаъ.
Пробка из фур, архивное фото - Sputnik Тоҷикистон, 1920, 03.05.2021
Мулоқоти Туркия ва Тоҷикистон ҳамкориҳои дуҷониба дар соҳаи нақлиётро тавсае мебахшанд
Ширкати “Çalık Holding” дар самтҳои саноати нассоҷӣ, хӯрокворӣ, сохтмон, энергетика, молия, телекоммуникатсия ва технологияҳои рақамӣ фаъолият дошта, корхонаҳои нассоҷии зерсохтори ширкати мазкур қатори истеҳсолкунандагони бузурги матои ҷинс дар ҷаҳон шомил буда, иқтидори истеҳсоли 55 млн метр матои ҷинс дар як солро доро мебошанд.
Ширкат бо брендҳои ҷаҳонӣ аз қабили Diesel, Replay, G-Star, Tommy Hilfiger, Pepe Jeans, Topshop, River Island, Marks & Spencer, Citizen of Humanity, Guess, Joe’s Jeans, Good American, Frame, Banana Republic, H&M, GAP, Zara, IKEA, LIDDLE, TESCO, SEARS ҳамкорӣ доштааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала