Захмӣ шудани як шаҳрванди Ӯзбекистон дар пайи садамаи калон дар шоҳроҳи Душанбе-Хуҷанд

© Фото : CC0 / Rico_LoebДорожный знак, архивное фото
Дорожный знак, архивное фото - Sputnik Тоҷикистон, 1920, 05.07.2021
Ҳамчунин дар пайи ин тасодум як нафар ҷон додааст
ДУШАНБЕ, 5 июл - Sputnik. Дар шоҳроҳи Душанбе-Хуҷанд дар пайи рух додани садамаи калоне - бархӯрди ду боркаш ва як автомашина як шаҳрванди Ӯзбекистон ҷароҳат бардошта, як тан ҳалок шуд, хабар медиҳад Вазорати корҳои дохилаи Тоҷикистон.
Бино бар иттилои манбаъ, ҳодиса 3 июл дар ҳудуди ин шоҳроҳ дар қисмати ноҳияи Бобоҷон Ғафуров рух додааст.
Манбаъ менависад, тахминан саоти 22:20-дақиқа, ронандаи автомашинаи тамғаи "КАМАЗ", Мирзоев Тоирхуҷа Акбархуҷаевичи 37-сола 1984, сокини ҷамоати деҳоти Палдораки ноҳияи Мастчоҳ, ҳангоми ҳаракат дар шоҳроҳи "Чанок-Хуҷанд-Душанбе", дар ҳудуди ноҳияи Б.Ғафуров бехатарии ҳаракати роҳро таъмин карда натавонистааст.
Машина скорой помощи в Таджикистане, архивное фото - Sputnik Тоҷикистон, 1920, 22.06.2021
Бархӯрди маргбор: ҳалокати нолобиғ ва ҷароҳати ду наврас дар садама
Дар натиҷа ба самти муқобили роҳ баромада, ба автомашинаи тамғаи "Тайота-Кемри", таҳти идораи ронанда Обидов Маҳмадобид Азизмаҳмадович, соли таваллудаш 1994, сокини ноҳияи Мастчоҳ, бархӯрдааст.
"Баъдан, аз уҳдаи идораи воситаи нақлиёт набаромада, бо автомашинаи тамғаи "Синотрак", таҳти идораи ронанда Ҷуманов Шаҳзод Хайрулла-Уғлӣ, соли таваллудаш 1998, сокини шаҳраки Ҷизахи вилояти Ҷизахи Ҷумҳурии Ӯзбекистон, бархӯрдааст", - тавзеҳ медиҳад ВКД Тоҷикистон.
Ҳалокат дар роҳ: рух додани ду садамаи маргбор дар як рӯз дар Тоҷикистон
Дар натиҷа, ронандаи автомашинаи "Тайота-Кемри", Обидов М.А. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Ронандаи автомашинаи тамғаи "Синотрак", Ҷуманов Ш.Х. ҷароҳати ҷисмонӣ бардошта, дар беморхона бистарӣ гардидааст.
Тафтишоти ҳодиса идома дорад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала