Фармони Президент барои мукофоту унвондиҳӣ ба 120 нафар: аз нависанда то ҳофизи халқӣ

© Foto Пресс-служба президента ТаджикистанаПрезидент Таджикистана Эмомали Рахмон
Президент Таджикистана Эмомали Рахмон - Sputnik Тоҷикистон, 1920, 18.08.2021
Эмомалӣ Раҳмон, раисиҷумҳури Тоҷикистон, бахшида ба 30 -юмин солгарди Истиқлоли давлатӣ фармони мукофотонидани 120 нафар кормандони бахшҳои гуногунро бо унвону мукофоти давлатӣ имзо кардааст
ДУШАНБЕ, 18 авг — Sputnik. Бо фармони раисиҷумҳури Тоҷикистон 120 корманди соҳаи илму фарҳанг, тандурустӣ, истеҳсоли мол ва хизматрасониҳо, мақомоти маҳаллии ҳокимияти давлатӣ ва дигар хизматчиёни давлатӣ бо унвону мукофот қадрдонӣ шуданд.
Дафтари матбуоти раисиҷумҳури Тоҷикистон иттилоъ дод, ки барои саҳми арзанда дар рушди илму фарҳанги мамлакат, ҳифзи саломатии аҳолӣ, фаъолияти самаранок дар хизмати давлатӣ ва дастовардҳои баланди истеҳсолӣ 34 нафар бо унвони фахрии Корманди шоистаи Тоҷикистон сарфароз гардиданд.
Манбаъ афзуд, ки 2 нафар бо унвони фахрии Нависандаи халқии Тоҷикистон қадрдонӣ шуданд.
Тақдими мукофоти давлатӣ ба кормандони тандурустӣ аз ҷониби Эмомалӣ Раҳмон, раисиҷумҳури Тоҷикистон - Sputnik Тоҷикистон, 1920, 18.08.2020
Раҳмон ба 53 қаҳрамони мубориза бо коронавирус мукофоти давлатӣ дод
Унвони фахрии Ҳунарпешаи халқии Тоҷикистонро 5 нафар гирифта, 1 нафар бо унвони фахрии Ҳофизи халқӣ сазовор дониста шуд. Панҷ нафари дигар унвони фахрии Ҳунарпешаи шоистаи Тоҷикистонро соҳиб гардиданд.
Инчучнин бо фармони раисиҷумҳур, 1 нафар бо ордени Дӯстӣ, 2 нафар бо ордени Шараф дараҷаи I, 13 нафар бо ордени Шараф дараҷаи II, 29 нафар бо медали Хизмати шоиста, 4 нафар бо медали ҷашнии “30-солагии Истиқлолияти давлатии Ҷумҳурии Тоҷикистон” ва 2 нафар бо Ифтихорномаи Ҷумҳурии Тоҷикистон сарфароз гардиданд.
Маросими супоридани мукофотҳои давлатӣ ҳамасола дар арафаи ҷашни Истиқлоли давлатӣ баргузор мешавад, ки имсол 30-юмин солгардаш таҷлил мегардад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала