Река вдоль границы с Афганистаном, архивное фото - Sputnik Тоҷикистон, 1920, 07.07.2021
Марзи Тоҷикистону Афғонистон: ҳоло чӣ рух дода истодааст?
Охирин хабару назарҳо дар мавриди вазъи марзи Афғонистон бо кишварҳои Осиёи Марказӣ дар ин пайванд гирд гирд оварда шудаанд

Қорӣ Фасеҳуддини бадахшӣ “зинда шуд” – у вазифа гирифт

© Акс аз саҳифаи Facebook Саид Аҳмад СаидӣФармондеҳи тоҷики Толибон Махдум Қорӣ Фасеҳуддин
Фармондеҳи тоҷики Толибон Махдум Қорӣ Фасеҳуддин - Sputnik Тоҷикистон, 1920, 09.09.2021
Қорӣ Фасеҳуддин, фармондеҳи Толибон* дар минтақаи шимолу шарқ, сардори Ситоди артиши Афғонистон таъйин шуд
ДУШАНБЕ, 9 сен – Sputnik. Ин таъйинот ахбори расонаҳои ҷаҳонӣ дар бораи кушта шудани ӯ дар ҷангҳои Панҷшерро ботил сохт. Панҷ рӯзи қабл расонаҳои байнулмилалие, назири “Афғонистон интернешнал” – и Бритониё ва “СибиЭс”-и Амрико аз кушта шудани ин фармондеҳи Толибон* бо иттифоқи 13 муҳофизи худ дар ҷанги муқобили нируҳои Муқовимати миллӣ дар вулусволии Хинҷ кушта шудааст.
Sputnik Тоҷикистон ба далели вуҷуд надоштани маълумоти мувассақ дар бораи кушта шудани ӯ аз нашри ин хабар худдорӣ карда буд ва талошҳояш барои таъйиди он аз манобеъи мухталиф натиҷа надоданд.
Афганское движение сопротивления и силы восстания против талибов отдыхают во время патрулирования на вершине холма в районе Дарбанд в районе Анаба провинции Панджшер - Sputnik Тоҷикистон, 1920, 09.09.2021
“Таслим нашуд”: яке аз фармондеҳони аршади Ҷабҳаи муқовимат ба шаҳодат расид
Ҳаракати Толибон* низ ин хабарро таъйид ё такзиб накарда буд. Аминуллоҳ Ғафурӣ, яке аз фармондеҳони Ҷабҳаи муқовимати миллии Афғонистон, ки гуфта мешуд, Қорӣ Фасеҳуддин аз дасти ҷанговарони ӯ дар соҳаи Пеҷғури вулусволии Хинҷи дараи Панҷшер ба ҳалокат расидааст, ба ҳамсӯҳбатони Sputnik Тоҷикистон гуфтааст, ки аз ҳамчунин як ҳодиса хабар надорад.
“Маҳалле, ки гуфта мешуд, ӯ кушта шудааст, на иртифоъ дорад, на барои ҷанг ё таваққуф мусоид аст ва ҳам на касе дар он ҷо Қорӣ Фасеҳуддинро дидааст. Зоҳиран, иттилои кушта шудани ӯ таблиғот барои ҷуброни кардани хабари ба шаҳодат расидани чеҳраҳои матраҳи Ҷабҳаи муқовимат - Фаҳими Даштӣ ва генерал Вадудхони Зарра буд”, - гуфтанд манобеъ.
Фаҳими Даштӣ, сухангӯ ва генерал Вадудхон Зарра, масъули истихбороти низомии Ҷабҳаи муқовимати миллӣ ва ҷияни Аҳмадшоҳи Масъуд рӯзи 5 сентябр ба шаҳодат расиданд. Фарзияи марги онҳо ба чанд адад мерасад.
Яке мегӯяд, ин кори дасти Толибон*, дигаре, тайёраҳои бесарнишини Покистон ва саввумӣ, Динмуҳаммади Ҷуръат, яке аз фармондеҳони панҷшерист, ки ба Толибон* пайвастааст.
Аз ин ҳама фақат Забеҳуллоҳ Муҷоҳид, сухангӯи Толибон* изҳор кард, ки куштори онҳо кори дасти Толибон* нест, балки дар пайи мухолифати ду фармондеҳи Панҷшер – Гулҳайдархон ва Ҷуръат иттифоқ афтодааст.
Нерӯҳои Ҷабҳаи Муқовимати Миллии Афғонистон - Sputnik Тоҷикистон, 1920, 09.09.2021
Ҷабҳаи муқовимати миллӣ: 65% -и Панҷшер дар дасти мост
Ҷуръат то ба ҳол вокунише накардааст. Бино ба иттилои дарёфтӣ, аз Ҷабҳаи муқовимати миллӣ, Қорӣ Фасеҳуддин бо вуҷуди таъйин шуданаш ба мақоми сардори Ситоди артиши Толибон* ҳамоно аз масъулони ҷанги Панҷшер аст ва нерӯҳои ӯ ҳамоно дар ин дара мустақаранд.
Қорӣ Фасеҳуддин тоҷик, беш аз 50 – сола ва зодаи вулусволии Вардуҷи вилояти Бадахшони Афғонистон аст, ки дар замони ҷиҳод алайҳи Иттиҳоди Шӯравӣ аз саргуруҳҳои Сайид Наҷмиддини Восиқ, фармондеҳи Ҷамъияти исломии таҳти амри Бурҳонуддин Раббонӣ ва Шӯрои наззори Аҳмадшоҳи Масъуд буд.
* - созмони террористӣ, ки дар қаламрави Тоҷикистон ва Русия мамнӯъ аст
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала