Арабистони Саудӣ гуфт, бо "Толибон"* ҳич робитае надорад

© AFP 2021 / ATTILA KISBENEDEKМинистр иностранных дел Саудовской Аравии Адель Аль-Джубейр
Министр иностранных дел Саудовской Аравии Адель Аль-Джубейр - Sputnik Тоҷикистон, 1920, 20.09.2021
Вазири умури хориҷии Арабистони Саудӣ дар суҳбат бо як расонаи ҳиндӣ гуфт, ки кишвараш бо ҳукумати нави "Толибон"* дар Афғонистон ҳич иртиботе надорад.
ДУШАНБЕ, 20 сен — Sputnik. Шоҳзода Файсал ибни Фарҳон Оли Сауд, вазири умури хориҷии Арабистони Саудӣ дар як суҳбати ихтисосӣ бо "India Today" гуфтааст, ки бозгашт ва эҳёи "Ал-Қоида"*, ДИИШ* ва "Толибон"* дар Афғонистон як нигаронии воқеӣ аст.
Вазири умури хориҷии Арабистони Саудӣ афзуд, ки кишвараш дар эътирофи низоми нави Афғонистон шитоб намекунад.
Руководитель Всемирной организации здравоохранения Тедрос Адханом Гебрейесус  - Sputnik Тоҷикистон, 1920, 20.09.2021
Раҳбари СҶБ ба Афғонистон омад: "Толибон"* чӣ талаб мекунад?
Ба назари ӯ, ки ҳарчанд "Толибон"* гуфтаанд, ки қаламрави Афғонистон бар зидди касе истифода нахоҳад шуд, аммо "терроризм як нигаронии фаромиллӣ аст."
Файсал бин Фарҳон изҳор доштааст, ки кишвараш ва Ҳиндустон мехоҳанд дар Афғонистон ҳукумати фарогир, сулҳу субот бошад. Ӯ гуфт, онҳо бо вазири умури хориҷии Ҳиндустон Ҷей Шанкар дар ин маврид ба тавофуқ расидаанд.
Вазири умури хориҷии Арабистони Саудӣ бо як сафари серӯза шоми якшанбе, 19 сентябр вориди Деҳлӣ, пойтахти Ҳиндустон шуд.
Представитель Талибана Забихулла Муджахид - Sputnik Тоҷикистон, 1920, 20.09.2021
Ваъдаи "Толибон"* барои ташкили идораи нави умури занон
Ин изҳорот дар ҳоле садо дод, ки Арабистони Саудӣ яке аз се кишварест, ки ҳукумати мронии "Толибон"-ро* дар солҳои 90 -ум ба расмият шинохта буд.
Ёдовар мешавем, беш аз як моҳ аст, ки "Толибон"* дар Афғонистон ҳукумат меронад, аммо ягон давлат онҳоро ба расмият нашинохтааст.
Давлатҳо ва созмонҳои байналмилалӣ таъкид бар он доранд, ки дар Афғонистон бояд ҳукумати фарогир ташкил шавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала