Ҳалокати чор нафар бар асари бархӯрди "Тойота" ба симчӯб

© Sputnik / Павел ЛьвовДТП, архивное фото
ДТП, архивное фото - Sputnik Тоҷикистон, 1920, 28.09.2021
Вазорати умури дохилии Тоҷикистон аз садамаи пурқурбонӣ дар роҳи Бохтар - Қубодиён хабар дода, ки чор кушта бар ҷой гузоштааст
ДУШАНБЕ, 28 сен — Sputnik. ВУД Тоҷикистон мегӯяд, садамаи пурқурбонии 27-уми сентябр, тахминан соати 01:30 дақиқа рух додааст.
Манбаъ тавзеҳ дод, ик ронандаи автомашинаи тамғаи "Тойота-Харриер", сокини 43-солаи ноҳияи Дӯстӣ ҳангоми ҳаракат аз самти шаҳри Бохтар ба самти ноҳияи Қубодиён дар ҳудуди ҷамоати деҳоти Деҳқонобод аз уҳдаи идораи воситаи нақлиёт набаромадааст.
Таъкид шудааст, ки дар натиҷа "Тойота" аз роҳи асосӣ ба қисмати рости роҳ баромада, ба симчӯби канори роҳ бархӯрда, чаппа шудааст. Дар пайи ин садама ронанда ва се мусофираш ба ҳалокат расидаанд.
Преступник за решеткой - Sputnik Тоҷикистон, 1920, 28.09.2021
Афзоиши ҷинояткорӣ дар миёни муҳоҷирон дар Русия
Дар феҳрасти ҳалокшудаҳо мақомоти умури дохилӣ аз сокини 35-солаи ҷамоати деҳоти Навзамини ноҳияи Дӯстӣ, сокинони 41 ва 25-солаи ҷамоати деҳоти Деҳқонободи Дӯстӣ зикр кардаанд.
Ба иттилои ВУД, шиддати садама ба ҳадде будааст, ки ронанда ва се мусофираш дар ҷои ҳодиса ба ҳалокат расидаанд.
Мақомоти умури дохилӣ мегӯянд, феълан таҳқиқи ин ҳодиса идома дорад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала