Қаҳрамонии самбо дар Тошканд бо риояи қатъии чораҳои беҳдоштӣ доир мегардад

Кубок мира по самбо в Москве - Sputnik Тоҷикистон, 1920, 28.09.2021
Иштирокчиёни ин мусобиқаро лозим аст, ки се маротиба аз ташхиси коронавирус гузаранд
ДУШАНБЕ, 28 сен — Sputnik. Қаҳрамонии ҷаҳон оид ба самбо бо риояи қатъии чораҳои беҳдоштӣ дар шаҳри Тошканд баргузор хоҳад шуд.
Бар хабари Кумитаи миллии олимпии Тоҷикистон, ин мусобиқа аз 12 то 14 ноябри соли равон дар пойтахти Ӯзбекистон доир мегардад.
Феълан, Федератсияи байналмилалии самбо низомномаи қаҳрамониро нашр кард, ки дар он гуфта мешавад, ҳар иштирокчӣ на кам аз 48 соат то парвоз дар кишвари худ бояд тести COVID-19 супорад. Тести дуюм як рӯз қабл аз мусобиқа ва тести сеюм як рӯз пеш аз парвоз аз Тошканд супорида мешавад.

Федератсияи мазкур бар ин бовар аст, ки чорабиниро бе ба қайд гирифтани COVID-19 баргузор мекунад.
Кубок мира по самбо в Москве - Sputnik Тоҷикистон, 1920, 22.07.2021
Самбо ба рӯйхати бозиҳои олимпӣ шомил шуд
Бояд гуфт, ки Фонди ҷоизаҳои Чемпионати ҷаҳон низ дар низомнома қайд гардидааст. Маблағи умумӣ 231000 доллари ИМА-ро ташкил медиҳад. Барои медали тилло 4000 доллар, барои медали нуқра 3000 ва барои медали биринҷӣ 2000 доллари ИМА пешбинӣ шудааст.

Ин аввалин чемпионати ҷаҳон хоҳад буд, ки қувваозмоиҳо аз рӯи 7 категорияи вазнӣ миёни мардҳо, 7 вазн миёни бонувон ва 7 вазн оид ба самбои размӣ, дар умум 21 маҷмӯи медалҳо, сурат мегиранд. Соли 2020 қувваозмоиҳо аз рӯи 27 вазн доир гардида буд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала