"Толибон"* дар набардҳои шадид бо Ҷабҳаи муқовимат талафот дод

© AFP 2021 / Ahmad Sahel ArmanАфганское движение сопротивления во время учений в провинции Панджшер, Афганистан
Афганское движение сопротивления во время учений в провинции Панджшер, Афганистан - Sputnik Тоҷикистон, 1920, 18.10.2021
Даргирӣ байни "Толибон" ва нерӯҳои муқовимат дар музофоти Бағлон, воқеъ дар сарҳади ҷанубу шарқи ин вилоят бо Панҷшер сурат гирифт
ДУШАНБЕ, 18 окт — Sputnik. Ҷангҷӯёни "Толибон"* дар набардҳои шадид бо Ҷабҳаи муқовимати миллӣ талафот доданд, хабар медиҳад "Коммерсант".
Даргириҳо дар навоҳии Пули Ҳисор ва Деҳсалоҳи музофоти Бағлон, ки дар ҷанубу шарқи ин вилоят ва наздик ба Панҷшер воқеъ аст, ба вуқуъ пайвастанд.
Ба гуфтаи манобеъ, "Толибон"* дар ҷараёни набардҳо беш аз 60 нафарро аз даст дода, маҷбур ба ақибнишинӣ шудаанд.
Далели задухӯрдро "Толибон"* расман тасдиқ карда, гуфтаанд, ки онҳо низ се муқовиматгарро аз байн бурдаанд.
 Бывшие моджахеды держат оружие, чтобы поддержать афганские силы в их борьбе против талибов - Sputnik Тоҷикистон, 1920, 17.10.2021
Ҷанги Андаробҳо: кушта шудани ду фармондеҳи Ҷабҳаи муқовимат ва як толиб
Қаблан хабар дода шуд, ки ду фармондеҳи Ҷабҳаи муқовимати Афғонистон дар даргирӣ бо ҷангиёни "Толибон"* дар минтақаи Андароби Бағлон кушта шуд.

Вазъ дар Афғонистон

Вазъи низомӣ-сиёсии Афғонистон дар моҳи июн, дар пасманзари хуруҷи нерӯҳои амрикоӣ шиддат гирифт. Хусусан задухӯрдҳои шадид дар наздикии марзҳои Тоҷикистон ва Эрон сурат гирифт.
Дар миёнаҳои моҳи август, пас аз он ки "Толибон" Кобулро ишғол карданд, Ашраф Ғанӣ, раиси ҷумҳури Афғонистон аз ин кишвар фирор кард. Пас аз он дар Афғонистон ҳукумати давраи гузариш таъсис ёфт, ки сарвараш Муҳаммад Ҳасан Охунд аст. Раҳбари "Толибон"* Ҳибатуллоҳ Охундзада раҳбари олии Афғонистон шуд.
Нерӯҳои Ҷабҳаи муқовимати миллии Афғонистон дар дарвозаи Панҷшер
 - Sputnik Тоҷикистон, 1920, 17.10.2021
Даргирӣ миёни "Толибон"* ва Ҷабҳаи муқовимат дар Онобаи Панҷшер
Панҷшер ягона вилоят буд, ки аз ҷониби ҷангиён назорат намешавад. Вилоят дар шимолу шарқи Кобул ҷойгир аст ва аз ҷиҳати аҳолӣ ва масоҳат хурдтарин вилоят дар Афғонистон аст. Дар авоили моҳи сентябр "Толибон"* аз ишғоли Панҷшер, охирин вилоят аз 34 вилояти Афғонистон хабар доданд, аммо Ҷабҳаи муқовимат гуфт, ки на ҳама минтақа таҳти назорати ин гурӯҳ аст ва муқовимат барои озодӣ идома дорад.
Ёдовар мешавем, Афғонистон тайи беш аз ду моҳ аст, зери идораи "Толибон"* қарор дорад, аммо то ҳанӯз ҳеҷ кишваре онҳоро ба расмият нашинохтааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала