Расман: Президент бо судури 4 фармон дар ВМКБ тағйироти кадрӣ анҷом дод

© Foto Пресс-служба президента ТаджикистанаЭмомали Рахмон на совещании
Эмомали Рахмон на совещании - Sputnik Тоҷикистон, 1920, 05.11.2021
Раисҷумҳури Тоҷикистон, Эмомалӣ Раҳмон дар Вилояти Мухтори Кӯҳистони Бадахшон тағйироти бузурги кадрӣ анҷом дод
ДУШАНБЕ, 5 ноя — Sputnik. Эмомалӣ Раҳмон роҳбари давлат бо суруди як фармон, раиси ВМКБ, Файзов Ёдгорро аз вазифа сабукдӯш намуд.
Котиботи сарвари давлат ҳарчанд фармони аз вазифа барканор шудани Файзовро нашр намудааст, вале сабаби аз вазифа гирифтани ӯро зикр накард. Дар матни фармон омадааст: "Файзов Ёдгор Доёрович аз вазифаи раиси Вилояти Мухтори Кӯҳистони Бадахшон озод карда шавад".
Ҳамин тариқ маълум нест, ки ҷаноби Файзов ҳоло ба ягон вазифаи дигар таъйин мешавад ё хайр.
Зимнан, бо фармони дигари Эмомалӣ Раҳмон, Мирзонабот Алишер Худобердӣ, ки дар вазифаи раиси шаҳри Хоруғ ифои вазифа мекард, низ барканор шуда, бо фармони дигари роҳбари давлат, иҷрокунандаи вазифаи раиси Вилояти Мухтори Кӯҳистони Бадахшон таъйин карда шуд.
Мирзонабот Алишер Худоберди - Sputnik Тоҷикистон, 1920, 05.11.2021
Тағйироти кадрӣ дар Тоҷикистон
Генерал Алишер Мирзонабот раиси нави ВМКБ кист?
Тағйироти кадрӣ дар ВМКБ бо барканор шудани Файзов ва Мирзонабот анҷом наёфта, Назира Амирбекзода, ки муовини Файзов буд, низ барканор гардиду ҷойгузини ӯ Нилуфар Асламшоева интихоб гардид.
Ҳамчунин Назарзода Ризо Шодӣ бо фармони дигари Эмомалӣ Раҳмон, иҷрокунандаи вазифаи раиси шаҳри Хоруғ таъйин гардид.
Ёдовар мешавем, ки раиси ҳамакнун собиқи ВМКБ, Файзов Ёдгор ба ин маснад соли 2018 пас аз интиқоди тунди Эмомалӣ Раҳмон аз роҳбари пешини вилоят, интихоб гардида буд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала