Покистон ба Афғонистон табибон ва таҷҳизоти тиббӣ мефиристад

© REUTERS / Jorge SilvaЖенщины и дети выстроились в очередь возле пекарни в Кабуле, ожидая раздачи бесплатного хлеба
Женщины и дети выстроились в очередь возле пекарни в Кабуле, ожидая раздачи бесплатного хлеба - Sputnik Тоҷикистон, 1920, 03.12.2021
Табибони покистонӣ ба дармонгоҳҳои Кобул, Ҷалолобод ва Лоҳур фиристода мешаванд, то ба ҳамтоёни афғонистонии худ дар истифодаи таҷҳизоти нав кумак кунанд
ДУШАНБЕ, 3 дек — Sputnik. Покистон барои кумак ба бахши сиҳҳии Афғонистон як гурӯҳи табибон ва ҳамчунин таҷҳизоти тиббӣ мефиристад.
Маҷаллаи The Express Tribune менависад, табибони покистонӣ аз ҷумла барои ба кор андохтани таҷҳизоти тиббӣ дар се дармонгоҳи Кобулу Ҷалолобод ва Лоҳур, ки аз ҷониби ҳукумати ин кишвар харидорӣ шудаанд, кумак мекунанд.
Исломобод ҳамчунин ба низоми тандурустии Афғонистон ба маблағи 2,9 миллион доллар кумаки молии ҳадафманд ироа хоҳад кард ва ба ин кишвар маводи доруворӣ ба маблағи 226 ҳазор доллар мефиристад.
Повседневная жизнь в Афганистане - Sputnik Тоҷикистон, 1920, 18.11.2021
Дар Афғонистон 34 дармонгоҳ ба далели набуди доруворӣ баста шуд
Илова бар ин мақомоти Покистон тартиби дарёфти раводиди тиббӣ дар гузаргоҳҳои марзӣ ва интиқоли дору ба шаҳрвандони Афғонистонро сода кардаанд.
Қаблан шабакаи телевизионии "TOLOnews" хабар дод, ки дар дорухонаҳои Кобул норасоии доруҳо рӯз аз рӯз зиёд мешавад. Бисёре аз ширкатҳои дорусозӣ ба далели камбуди ашёи хом аз фаъолият бозмонданд ва ҳоло воридоти доруворӣ ба мушкил рӯ ба рӯ шудааст.
Бояд гуфт, 90 дарсади доруҳо ба Афғонистон аз Покистон, Ҳиндустон, Туркия ва Бангладеш ворид мешавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала